كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم
حظك اليوم مع الأبراج اليومية ليوم السبت 4 تموز / يوليو / 2020
توقعات برج الحمل اليوم السبت 04 يوليو 2020 ثابت الحسن
برج الحمل
تطلعاتك كبيرة للمستقبل وعندك بداية لمشروع رح يغير حياتك اذا عرفت كيف تتصرف وتوظف طاقاتك وإمكانياتك بشغلك ، حاول تستغل الظروف المناسبة وخاصة انو في شخص مقرب منك بيدعمك معنويا وبيقدملك تسهيلات للمباشرة بمشروعك . لاتهكل هم وضعك المالي رح تنفرج عليك بآخر لحظة ومارح تضطر لاستلاف اي مبلغ من المال
عاطفيــا”… الشريك عم يلاطفك بكلام حلو وعم يدخل السعادة لقلبك
طاقة برج الحمل { 75 }
توقعات برج الثور اليوم السبت 04 يوليو 2020 ثابت الحسن
برج الثور
نفسيا اليوم انت مرتاح وثقتك بنفسك كبيرة لتكمل اعمالك لوحدك ومن دون ماتعتمد على حدا وفي امور جديدة بالعمل او تطوير عم تقوم فيه وتثبت براعتك وتحط كل جهدك لتوصل لغايتك وهالشي عم يكون لمصلحتك وعم توصلك اخبار سارة ورح تشعر بالانسجام مع ناس بتحبهم وممكن تسمع لهموم احد المقربين وتدعمه معنويا. والامور المالية عم تنفرج وتتحسن وهالشي عم يريح بالك
عاطفيــا”… الشريك بيفهمك من النظرة الأولى وتوافق وانسجام متبادل بينكما
طاقة برج الثور { 79 }
توقعات برج الجوزاء اليوم السبت 04 يوليو 2020 ثابت الحسن
برج الجوزاء
لازمك شوية راحة وهدوء لتتخلص من التوتر والقلق الي جواتك الامور رح تكون منيحة من بعد الضهر ورح تحس انو اهلك جنبك وفي اخبار عم تسمعها من شخص بعيد عم تريح بالك وتسر خاطرك المواضيع المالية الي شاغلة بالك بدها شوية تدبير واقتصاد لهيك لازم ماتروح تشتري غير الضروري . اهتم بوضعك الصحي وحاول تطلع وتمشي عند المسا او تزور شخص بتحبه لتغير جو وتستعيد نشاطك
عاطفيــا”… الشريك بيحاول يفهمك ويساعدك عليك ان تعطيه المجال و تكون مرن وكلامك حلو
طاقة برج الجوزاء { 64 }
توقعات برج السرطان اليوم السبت 04 يوليو 2020 ثابت الحسن
برج السرطان
اليوم عندك مجادلات ونقاشات كتير وعم تكون مرن وعم تحاول ماتفتح مجال للقيل والقال واذا في مواضيع بتجبلك وجعة راس عم تبتعد عنها وعم تحاول تعيش بسلام ومحبة مع الناس الي حولك . امورك المالية مانها منيحة حاول انك تزيد جهدك وساعات عملك لتحسن من مرودك المالي واهتم بصحتك شوي ماتهمل حالك اذا حسيت بالتعب
عاطفيــا”… بتحاول تتقرب من الشريك وتعمل اشياء بيحبها ورح تكسب محبته وتعاطفه معك
طاقة برج السرطان { 71}
توقعات برج الاسد اليوم السبت 04 يوليو 2020 ثابت الحسن
برج الاسد
يوم فيه كتير شغل ومواعيد وعم تحس حالك عم تركض ومانك عم تلحق وبدك تهتم بعيلتك وشغلك بنفس الوقت وماتقصر بواجباتك وهالشي عم يتعبك جسديا لهيك رح تعتمد على شخص بتوثق فيه بالشغل وتنظم معه بعض الامور والترتيبات وممكن يعرض عليك عمل الو علاقة بالسوشل ميديا ورح تحاول تهتم بنوعية الآداء . المال عم يوصل لايدك وعم ينصرف بشكل سريع بدي منك تضب ايدك شوي
عاطفيــا”… حاول تفصل هموم الشغل عن علاقتك بالشريك وتخصص وقت لأسرتك وتقضي معهم سهرة لطيفة
طاقة برج الأسد { 78 }
توقعات برج العذراء اليوم السبت 04 يوليو 2020 ثابت الحسن
برج العذراء
انت اليوم عامل من الحبة قبة وشايل هم فوق اللزوم طول بالك شوي وروء ورح تشوف انو كل الامور صغيرة وبتنحل بسهولة القصة مابدها تشنج وسرعة ممكن تنحل الامور بالهدوء بس بدها طولة بال ووقت . وضعك المالي اليوم مانو منيح لكن رح يوصلك دعم مالي من شخص مقرب منك ويفك ديقتك المالية
عاطفيــا”… الشريك هوي صمام الأمان بالنسبة الك ولما بتشوفه جنبك بتقوى فيه
طاقة برج العذراء { 69 }
توقعات برج الميزان اليوم السبت 04 يوليو 2020 ثابت الحسن
برج الميزان
انت اليوم كتير دبلوماسي وعم تجتمع مع ناس جديدة وعم تتميز بالحكمة والهدوء وهالشي عم يقرب الناس منك ويرفع من مستواك بشغلك. اليوم بيكون عندك وقت لتهتم بحالك وبأناقتك وممكن تعمل لوك جديد وتظهر بشكل جذاب للآخرين وعم تشعر بالراحة النفسية والرضى عن نفسك .
عاطفيــا”… الشريك بحاجة لتسمعه وتخفف عنه فخليك قريب منه
طاقة برج الميزان { 77 }
توقعات برج العقرب اليوم السبت 04 يوليو 2020 ثابت الحسن
برج العقرب
مافي داعي للخوف والقلق الي مسيطر عليك هاليومين وحاول تشوف الدنيا من منظار التفاؤل في مين رح يوقف جنبك من احبابك وعم يقترح عليك حلول لمشكلة عم تعاني منها . بدي منك تروء اعصابك وتعيد ترتيب امورك قبل ماتبدأ بأي خطوة . وبالنسبة لوضعك المالي عم تفكر تشتغل عمل إضافي ليزيد من مردودك المالي وتسدد بعض الفواتير او القروض
عاطفيــا”… خليك واضح مع الشريك وافتحله قلبك ليقدر يفهم مشاعرك
طاقة برج العقرب { 65 }
توقعات برج القوس اليوم السبت 04 يوليو 2020 ثابت الحسن
برج القوس
اليوم مواضيع بتخص المستقبل عم تشغل تفكيرك وعم تكون واعي لكل حركة وتصرف عم تقوم فيه وعم تتخذ قرارات مهمة وعندك حركة خارجية وممكن سفر لتوسع من نطاق عملك وتحصل على معلومات فيها فائدة الك . اليوم انت مشغول كتير عن الناس الي بيحبوك وبتعتذر عن اللقاءات مع بعض الاصدقاء . وبتحتاج لمبلغ جيد لتكمل شراء بعض الاشياء الضرورية
عاطفيــا”… قلبك مليان حب وعم تعبر لحبيبك عن مشاعرك وإعجابك فيه
طاقة برج القوس { 84 }
توقعات برج الجدي اليوم السبت 04 يوليو 2020 ثابت الحسن
برج الجدي
اليوم حظوظك قوية وعم تكون شعبيتك كبيرة وعندك لقاءات مع اصدقاء وعم تقضي وقت حلو وممكن تزور ناس صرلك زمان ماشفتهم وعم تطرح فكرة لبيع عقار او تبديل مكان إقامتك والامور عم تكون متل مابدك وانت عم تسعى لتاخد الخيار الافضل . مانك مهتم بالمال كيف عم ينصرف المهم تجيب الي بدك اياه ولو دفعت مبلغ كبير
عاطفيــا”… حبك واهتمامك بالشريك عم يخلي العلاقة بينكم اقوى واكتر انسجام
طاقة برج الجدي { 85 }
توقعات برج الدلو اليوم السبت 04 يوليو 2020 ثابت الحسن
برج الدلو
اليوم عم يفتح الحظ بابه الك على مصراعيه وكل الامور الي كانت زاعجتك عم تزول بسهولة وممكن تباشر بمشروع او تثبت أقدامك بمكان عملك وعم تثبت براعتك فيه . انت كتير مرتاح والضحكة مابتفارق وجهك .بتحضر حالك لسفرة بهل كم يوم لتقضي وقت بالطبيعة او على البحر . تحسن بوضعك المالي بسبب تحصيل مال قديم او استرداد دين
عاطفيــا”…عم تكون جذاب وتلفت نظر المعجبين وممكن توقع بالحب والغرام والمتزوج عم يعيش لحظات رومنسية مع الشريك
طاقة برج الدلو { 85 }
توقعات برج الحوت اليوم السبت 04 يوليو 2020 ثابت الحسن
برج الحوت
اهتمامك اليوم عم يكون ضمن العيلة والاخوة واجتماعات ولقاءات مع بعضهم بس بدي منك ماتكون حساس كتير وتفهم الامور بشكل خاطئ كل الي جنبك بحبوك ورح تشعر بمحبتهم الك ويزيد اهتمامهم فيك . اما الشغل بدو شوية همة منك حتى ماتتراكم عليك الامور ويصعب عليك القيام فيها . تراجع بدخلك المالي عم يتعبك ويوترك نوعا ما
عاطفيــا”… ممكن تحكي للشريك عن امر زاعجك ورح يكون بجنبك ويحل كل مشاكلك
طاقة برج الحوت { 70 }
رد مع اقتباس
