هنا

[مـصطفى]

A Clockwork Orange (1971)

يمكن هذا اكثر فلم (مريض) شفته بحياتي

كمية الجرأة و البشاعة و العنف مو طبيعية
يعني يخلي الواحد يوصل لدرجة چبيرة من الاشمئزاز

وجود موسيقى بأماكن كلش متناقضة و ماله اي علاقة بالحدث اللي ديصير هو شي يخلي المُشاهد يتوتر

يعني تخيلو مشهد مال اغتصاب و ويا موسيقى مال بيتهوفن (ماكو ربط)

لو اختيار الألوان ببعض المشاهد اللي تكون مؤذية للعين

الفلم هلكد ما بشع من نزل اكو بعض الناس كامو يرسلون رسائل قتل و تهديدات للمخرج الكبير
و لهذا سُحب من صالات السينما

و هذا غير المشاهد البشعة الثانية مثل شد جفون أليكس لو الإذلال اللي صار من قِبل كبار السن اللي چان مقنع و مؤلم بنفس الوقت

صراحة كل الممثلين ابدعوا و چانت حركة كلش جريئة منهم من ناحية تجسيد هيچ شخصيات

لو النهاية اللي اعتبرهه كلش غثيثة لدرجة الاشمئزاز

و الفلم بي رسائل مبطنة چبيرة بس طريقة تجسيدهه مريضة.

طبعًا هذا كله أكيد بسبب العظيم (ستانلي كيوبريك)
المخرج المجنون

من الحقائق المثيرة عن هذا الفلم انو المخرج اجبر الممثل اللي مثل دور أليكس انو يلزم الحية اللي بغرفته مع انو الممثل چان عنده خوف من الثعابين بس المخرج اصر

و بالأخير احب اكول هذا الفلم لا يصلح للمشاهدة العائلية (للتنبيه فقط)

[124321]

شكرا لك صديقنا المبدع

[مـصطفى]

شكرا لك صديقنا المبدع

ممتن جدا عزيزي الغالي