كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم
القمر بينتقل لبرج الجدي ♑
توقعات برج الحمل اليوم السبت 04 يوليو 2020 منيب الشيخ
الحمل ♈
عندك علاقات مهمة وتغيير شغل ..
من الايام المهمة عندك يلي عم تشغلك فيها مواضيع بتخص البيت والتغيير بالشغل ويمكن تاخد قرار مصيري ولازم تعرف شو بدك وتهدي قد مافيك وتستوعب الناس يلي معك وخاصة مع الاب والمسؤولين ..
عاطفيا .. ماعم تكون مرتاح على الرغم من اعجاب ناس كتير فيك وحتى مشاهير هاليوم ..
توقعات برج الثور اليوم السبت 04 يوليو 2020 منيب الشيخ
الثور ♉
يوم لعلاقات وناس جديدة وسفر ..
عم تتحرك وتنطلق بهاد اليوم وعم يكون عندك حلول واخبار ايجابية وتطورات بتدعمك لتعمل شي يفيدك ويساعدك وفي تواصل مع شخص بعيد وفرصة للسفر وانتبه كمان من الحوادث بهيك يوم ..
عاطفيا .. انت بوضع جيد وخاصة انك بتقدر تقلب الامور لصالحك واحل المشاكل او تتعرف على شخص جديد ..
توقعات برج الجوزاء اليوم السبت 04 يوليو 2020 منيب الشيخ
الجوزاء ♊
فرص مالية وحلول وتغييرات ..
عم تستفيد هاليوم من امور مالية عم تحلها او حتى قصص كانت شاغلتك وهاليوم عم تعرف تتعامل معها وحتى مع العيلة وضعك افضل وفي خطوات ايجابية وموضوع مالي بيخدمك وفي شراكات وعقود ..
عاطفيا .. انت بوضع منيح لتصلح علاقتك وتكون اقرب من الشريك او لتنهي كل شي ..
توقعات برج السرطان اليوم السبت 04 يوليو 2020 منيب الشيخ
السرطان ♋
عندك مواجهات وناس وشراكات ولازم تهدي ..
عم يكون عندك هاليوم فرص لشغل مشترك او قصة عقد شراكة ولازم تعرف تتعامل صح مع الاشخاص المحيطة فيك وماتخلي حساسيتك تأثر على قراراتك او تخليك تنفعل وروق اذا بدك الامور تمشي تمام ..
عاطفيا .. عندك هاليوم أخبار ممكن تخص ارتباط بس غالبا التوتر سيد الموقف بعلاقاتك ..
توقعات برج الاسد اليوم السبت 04 يوليو 2020 منيب الشيخ
الأسد ♌
انتبه صحيا ومهنيا ورتبلي امورك ..
عم تدخل مرحلة فيها شوية تعب ولازم تعرف تتعامل معها صح وترتب أمورك كمان وتشتغل على حالك واهم شي صحتك لان مو كتير مرتاح من ناحيتها وفكر كيف ماتشيل كل المسؤولية والالتزامات لحالك ..
عاطفيا .. يمكن يكون في ناس كتير حولك هاليوم بس ولله غالبا انت مو فاضي تحك راسك ..
توقعات برج العذراء اليوم السبت 04 يوليو 2020 منيب الشيخ
العذراء ♍
عندك اخبار حلوة وعلاقاتك الأفضل ..
عم تكون بيوم جيد بيخدمك ماليا وعاطفيا وحتى بالامور العائلية وعم يكون في حلول واخبار ايجابية وفرص بتخص الشغل ولازم تستغل يومك اذا بدك تطلب مساعدة او لتعمل جمعة مع ناس بتحبن ..
عاطفيا .. انت بوضع منيح والشريك عم يرجع يتقرب منك واذا عم تفكر بارتباط فمكن هاليوم ..
توقعات برج الميزان اليوم السبت 04 يوليو 2020 منيب الشيخ
الميزان ♎
هدي بالبيت والشغل وكون رايق ..
عم تدخل يوم في قصص بالبيت وبالشغل عم تدايقك ويبدو انك بحاجة رواق بالتعامل واقصى انواع الدبلماسية والمسايرة اذا بدك يمرق اليوم على خير وماتخسر حدا وفي تغيير بالشغل والبيت عم يكون هاليوم ..
عاطفيا .. حاول تستغل موقع الزهرة المناسب الك لتبلش علاقات جديدة بس هدي لان في عصبية زايدة عندك ..
توقعات برج العقرب اليوم السبت 04 يوليو 2020 منيب الشيخ
العقرب ♏
عندك تطورات لسفر وعلاقات واخوة ..
عم يكون يومك مميز وخاصة انك عم تتحرك فيه ويمكن يكون عندك تنقلات كتير وحركة وتواصل وقصة بتخص اخ ولازم تنتبه من حوادث السير وفي امور بتخص موبايل او سيارة بتهتم فيها هاليوم ..
عاطفيا .. عم تقدر عبر علاقاتك وتواصلك تصل لأكبر عدد من الناس وخاصة انك شاطر وحضورك قوي ..
توقعات برج القوس اليوم السبت 04 يوليو 2020 منيب الشيخ
القوس ♐
انتبه ماليا وخفف مصروف وفكر بحلول ..
من الايام يلي فيها عم تصرف كتير بلا ماتحس ولازم تفكر بحلول او موارد جديدة وغالبا عندك مال رح يجيك وعم تدفع وتقبض وكمان في قصص بتدعمك بهالشي وفي فرص شغل ونجاح مهني وحظ مالي ..
عاطفيا .. عم تدور على امور فيها تغيير بعلاقتك ولازم تعرف تحافظ على استقرارها ..
توقعات برج الجدي اليوم السبت 04 يوليو 2020 منيب الشيخ
الجدي ♑
يومك أفضل وفي حسم بعلاقاتك ووضعك ..
يوم لتحسم فيه امورك وتفكر كيف تنهي علاقاتك بالشكل الصح وتحط نقطة وتبلش من جديد بخطوات حاسمة وعندك القوة والطاقة لأنك تغير من حالتك وتفكر بشراكة اذا بدك واهم شي لاتخلي التوتر يتعبك ..
عاطفيا .. في فرصة لارتباط وغالبا عم تقرر مصير علاقتك ويوم جيد لتعرف شو بدك بالحب والعاطفة ..
توقعات برج الدلو اليوم السبت 04 يوليو 2020 منيب الشيخ
الدلو ♒
الاوضاع تعبانة وبدك مساعدة فورية ..
يبدو هاليوم عم تحس انو الضغط عليك كبير وتعبت من كتر الشغل وماحكا عم يقدر هالشي وبتحس بنوع من الوحدة والتعب الصحي وحاول تنتبه من بعض المشاكل يلي عم تدايقك بهيك يوم ..
عاطفيا .. فكر كيف تخلي الشريك سند الك وهو لازم يعرف يتعامل معك هاليوم ..
توقعات برج الحوت اليوم السبت 04 يوليو 2020 منيب الشيخ
الحوت ♓
انت بيوم جيد وعندك لمة ناس ..
عم تكون اوضاعك أفضل بكتير وخاصة انو عم تجيك المساعدة من كتير أشخاص وغالبا عم تعمل عزيمة او سهرة او مناسبة مع اشخاص بتحبن وبترتاح معن وفي حلول واجواء حلوة حتى بالبيت ..
عاطفيا .. فيك تغير من حالتك وتكون بأفضل الايام عاطفيا او تتم ارتباط او تحول صداقة لحب ..
رد مع اقتباس
