هنا

[فقار الكرخي]

وكت صاير انام بدمعتي وزعلان
وغطا تنور حصتي من التعب دخان

وجرعت المُر وحيد وگلت عادي تهون
ينام بحظن أخيّه برجعته الفنجان

ورديت بصفنتي وصورتك و الليل
دمعي اعله الورگ والحبر ع الحيطان

و گلتلك اخ وشفتك مو اهل لل ااااخ
مو مثلي ترد من الصور ذبلان

مو مثلي اعله خدك خيّم ال افييش
واني اباب بيتي مخيّم الدخان

الدمع ع الجام احلا من الندى بهواااي
يذكرني بطريقك من ارد تعبان

يذكرني شكثر ناديتك وما جيت
بكل چلمة اريدك چنت ارد ندمان

مشكلتك تحبني .. من اريد أنساك
من انثر أحلامي واقفل البييان

من اهوى السفر واقتنع بالماشين
الگه شگد أصابع يم گفه القمصان

الگه شگد ندى ذلني بربيع الناس
واجاني بوكت حاجز بالخريف مچان

تفتر السنين وتاخذك لل ااااخ
وتشوف شلون تنحط للتعب نيشان

لمن ذكرياتك توجعك وتموت
وبنفس الوقت تتأذى بالنسيان

لمن توگع وعينك على اليمشون
وتگعد تحسب جروحك انسان انسان

رأساً تنتبه وتشوف روحك وييين
مالك داعي چن طبگت جفن عميان

بذيچ الساعة مو اسمك تصير فلان
بذيج الساعة عينك غيمه للگيعان

ورد من گاع وحده اثنينه اي ليش
شاريني ل جنايز وانت للعرسان

صنفت وشفت دربك اثر غرگانين
اكمل لو ارد ب اثنينهن خسران






شجاع الحليحل

[انثى مخمليةة]

عاشت ايدك ،،

[الغريبه]