الاخلاق .. عند سبينوزا !!
-يمكن تلخيص فلسفة الاخلاق عند الفيلسوف "سبينوزا" بالنقاط التالية :
اولا : السعادة هي هدف الاخلاق ؛ يعني مهمة الاخلاق ان تجعل الإنسان سعيدا ..
ثانيا : السعادة هي وجود اللذة وانتفاء الألم ..
ثالثا : اللذة هي انتقال الإنسان من كمال اقل إلى كمال أعلى ، والألم هو انتقال الإنسان من كمال أعلى إلى كمال اقل ..
رابعا : الإنسان الفاضل هو اللي عنده قدرة على البقاء ونفع نفسه ، فالفضيلة عند سبينوزا هي القوة والقدرة على البقاء ..
خامسا : لازم الإنسان يحب نفسه قبل كل شيء ، ولازم مايضحي بنفسه من أجل غيره ، إلا إذا حققتله هاي التضحية مصلحة أكبر من تضحيته بنفسه ..
سادسا : مايعترف سبينوزا بالتواضع ؛ لانو القوي إذا صار متواضع فهذا جاي يخدع الناس ويقشمرهم ، واما الضعيف إذا صار متواضع فهذا سببه شعوره بالخجل من وضعيته ، وبالحالتين هذا الشي يدل على نقص وفقدان للقوة ..
سابعا : يمكن إزالة الكراهية بالحب ؛ يعني اذا شخص يكرهك تكدر توخر هاي الكراهية من قلبه من خلال حبك اله ، واما إذا بادلت الكره بالكره فراح تكبر هوة الخلاف بيناتكم ..
ثامنا : إذا تعارض العقل مع العاطفة أو الشهوة السيئة فلازم مانقدم العقل على العاطفة ؛ لانو في أغلب الأحيان راح تنتصر الشهوة على العقل بمثل هيج مواقف ..
-جاشنسوي ؟
-العاطفة لاتزول الا بعاطفة اقوى منها ؛ يعني اذا أردت مثلا ان تقهر عاطفة وشهوة الجنس المحرم مثلا فلازم تسلط عليهه عاطفة وشهوة اقوى منهه كأن تكون عاطفة وشهوة الغضب ، وبالتالي كلما زادت العواطف اللي ترتكز على العقل وقلت العواطف اللي ماترتكز على العقل راح يكون الإنسان عقله مسيطر على عواطفه وشهواته وراح يكون انسان سوي ومتوازن ..
تاسعا : الحرية الحقيقية هي تحكيم العقل والسيطرة على العواطف العمياء ، فالإنسان يكون حرا بقدر مايكون عاقلا ..
عاشرا : لازم مانضوج عندما تصادفنا اي مشكلة ؛ لانو كل شي مكتوب ومقدر مسبقا ، فإخذ راحتك ع الاخر ولاتخاف من حوادث الدهر ، لاتفرح كثيرا بالخير ، ولاتحزن وتخاف كثيرا عندما يصادفك شر ؛ لانو بالنهاية كل شي هو بيه حكمة ومصلحة ..
والحمد لله ..
فلسفة سبينوزا ( الحلقة الرابعه )
رد مع اقتباس
...فبعد هذا من اين لهم أخلاق ممكن ان تأخذ كماده قابله للهضم والاستساغه ولا حتى التذوق ...
المشاركة الأصلية كتبت بواسطة عدنان الواثق
