گالـولي : منّـا و انتـهت ، گلت انا : مِنّا نبدي !
لو عندي غيرك چا رحت بس والحسن ما عندي
گد ما بچـيت بروحـتك بيّن الطيـن بـخدي
يا فشلة التركض تجي و تعثر بچلمة "رِدّي"
مليت .. كل من ابوها وياهه
مليت .. چا انا بيش اتباهه !
لو بيدي اسولفلك عشگ بس التعب ماخذني
عگبك صرت حِنه بعرس ياهو اليجي يطشرني
بصفك امـوت و لا اظـل للوادم التكـرهني
اليلگاني ورقة بلا حچي اول و تالي يذبني
چا ليش .. عايفني بين الغربة
چا ليش .. الميت عيونه بگلبه
چم ورده تعتب ع النده و چم شمس باگت لونك
ما اصـدگ اليبـچـي نهر لـو ما حلف بعـيونك
لا ما شفت كاروك ابد چنت اغفى فوگ امتونك
لميت روحي بغرفتي چي باچر يطشرونك
ويلاه .. ما بيه اكض دموعي
ويلاه .. رجفت سعف بضلوعي
يالعينك اگلادة ورد تـرضى الرسايـل تبـرد ؟
گد ما كمشت ايدي گبل چنت احس ايدك معضد
هسه اليدگ بابك يرد ترس اذنه چلمة "محد"
عافوك تالي ابلا چفن جـوه الخيول امـدد
وينك .. كافي ارد اشوف عيونك
وينك .. شِلك باليتعبونك ؟
من الحـلم حد الحلم عشرتنا شـو ما طـولت
عشرة نِدى و ضحكة شمس من گبل لا تبدي انتهت
يشمت الـ يمي يمـر هاي الوحدهه بقـت
چا مو خطيه لوحدي ما گالو شبيها بچت !
يحسين .. گالو بعد ما ترجع
يحسين .. گالو حسين مگطع
اداء : احـمد مـولى
ڪلمات : ايـهاب عيال الظالمي
تـدوينــي
رد مع اقتباس
المشاركة الأصلية كتبت بواسطة ПộR
