ڕێژه‌ی به‌فرو بارانبارینی 24 سه‌عاتی رابردووی هه‌رێمي كوردستان
خه‌ندان – ره‌هێل سه‌مه‌د
رێژه‌یه‌كی به‌رچاو به‌فرو باران زۆربه‌ی ناوچه‌كانی هه‌رێمی كوردستانی گرته‌وه و به‌رپرسانی كه‌شناسیش پێشبینی ده‌كه‌ن له به‌یانییه‌وه كاریگه‌ریی ئه‌و شه‌پۆله له‌سه‌ر ناوچه‌كه كه‌مبێته‌وه .
فازڵ ئیبراهیم، به‌ڕێوه‌به‌ری گشتیی كه‌شناسی و بومه‌له‌رزه هه‌رێمی كوردستان به (خه‌ندان)ی راگه‌یاند: هه‌روه‌ك پێشتر رامانگه‌یاندبوو هه‌رێمی كوردستان له‌م هه‌فته‌یه كه‌وته ژێر كاریگه‌ری نزمه پاڵه‌په‌ستۆیه‌ك له ده‌ریای سپی ناوه‌ڕاسته‌وه، له ئه‌نجامی كاریگه‌ریی ئه‌و نزمه پاڵه‌په‌ستۆیه‌ش شه‌پۆلێكی به‌فر و باران هه‌رێمی كوردستانی گرته‌وه، "پێشبینیش ده‌كرێت كاریگه‌ریی ئه‌م نزمه پاڵه‌په‌ستۆیه تاكۆتایی ئه‌مڕۆ پێنجشه‌مه له‌سه‌ر ناوچه‌كانی هه‌رێم به‌رده‌وام بێت‌و بۆ سبه‌ینێ كه‌شوهه‌وا ئاسایی بێته‌وه.
فازل ئیبراهیم سه‌باره‌ت به رێژه‌ی بارینی به‌فرو باران له‌ماوه‌ی 24سه‌عاتی رابردوودا وتی: رێژه‌ی به‌فر له ماوه‌ی 24 سه‌عاتی رابردوودا له ناوچه‌كانی هه‌رێمی كوردستان به‌مشێوه‌یه تۆماركراوه ، له ناو شاری هه‌ولێر له به‌یانییه‌وه شه‌پۆلێكی به‌فربارین ناوچه‌كانی گرته‌وه، به‌لاَم به‌هۆی بارانبارینه‌وه زۆر نه‌مایه‌وه ، له هاوینه‌هه‌واری پیرمام 9 سم و له سۆران 10 سم و له ره‌واندوز 10 سم و له مێرگه سور 30 سم و له چۆمان 30 سم و حاجی ئۆمه‌ران 1 مه‌تر به‌فر باریوه.
ئه‌وه‌شی خسته‌ڕوو، كه له شاری دهۆكیش نزیكه‌ی 7 سم و ئاكرێ 11 سم و زاوێته 8 سم و ئامێدی 52 سم و بامه‌رنی 60 سم و دیره‌لوك 15 سم و كانی ماسی 53 سم و سواره‌توكه 27 سم و باتوفه 7 سمو نیهارته 33 سم به‌فر باریوه.
سه‌باره‌ت به شاری سلێمانیش وتی: به‌هه‌مانشێوه‌ی شاری هه‌ولێر به‌فر له‌ناو شار نه‌مایه‌وه، به‌لاَم زۆرترین رێژه له پێنجوێن بو‌و كه نزیكه‌ی 1 مه‌تر به‌فر تۆمار كراوه.
سه‌باره‌ت به بارانبارینیش له‌شاری هه‌ولێر 21 ملم، له پیرمام 43 ملم و له خه‌بات 6ملم و له مه‌خمور 14 ملم و له ره‌واندوز 17 ملم و له‌ناو شاری سلێمانی 29 ملم و له چه‌مچه‌ماڵ 21 ملم و له هه‌ڵه‌بجه 30 ملم و له كه‌لار 9 ملم و له‌پێنجوێن 28 ملم و له قه‌لاَدزێ 31 ملم باران باریوه.
هه‌ر به وته‌ی ناوبراو له‌شاری دهۆكیش 18 ملم و له‌زاخۆ 12 ملم و ئاكرێ 52 ملم و بامه‌رنێ 4 ملم و ته‌له‌عفه‌ر 1 ملم باران تۆمار كراوه.
رد مع اقتباس
المشاركة الأصلية كتبت بواسطة شاناز
