ليل وسالفه ودخان
ولف مفكود يتشضه صور عالبال والحيطان
وحسرة خاطري المكسور تطشر حلم يم اقرب جفن ذبلان
بحزن تلچمني ذكره بلا شعور
وترد بيه لزماني الفات ليليه اعله ديرة خوف ليليه اعله درب احباب
وانه ذاك الخذاني الليل يم اول حلم جذاب
وانه ذاك الخذاني الشيب ومناطر نعش غياب
لاجتف الحمل وني ويدليني الكبر وارتاح
واخلص من الصبر وارتاح
العمر عفته اعله عتبة باب ما شايل خلك مفتاح
يم عيونهم طشرني الحلم بسكوت
ويه كل دمعه عليه يسلطن التابوت
وافك شباج روحي والكه الاثر لجفوف
خنگت كل فرح بيه
والكه وجوه كومه وجوه محتاره اعله كد الشوف من وضحت معانيه
بملامح خوف مرسومه اعله طاري بعاد راحو والدمع سجاب ليليه
وانه بحزني الوم الناس تعبت الجدم بالروحه والجيه
كتبت اعله جف وداعنه المذموم كومه عتاب
وانه ادري اليريد يروح تعثر عينه يم الباب
وامس ذاك الضوه البعيونهم جذاب
اي جذاب
رد مع اقتباس
المشاركة الأصلية كتبت بواسطة ســـــجـــــودي ﹩ʝ☹
