المشاركة الأصلية كتبت بواسطة رمـْـْْـْــــــــآڊ
بغض النظر عن من يكون المقاوم
المقاومة حق مشروع لكل الشعوب
شرعا وقانونا
اما يصير اتفاق وينسحبون
هم اصلا شعدهم موجودين ؟
اما البعض اجة ونسب نفسة مقاوم
وكام يقصف بيهم
هذا عندة حجة
على اساس انه البلد متواجدة بي قوات
رغما عن انف الدولة
خلي الحكومة اطلع الامريكان
وراها نجي نحاسب هذا المسوي نفسة مقاوم
يابة تعال انت المن تقاوم
اكيد راح تنتهي الحجة وينكشف كلشي
الكاظمي مدعوم امريكيا ايضا ولاحظ شكد الشعب فرح باخر عملية يمكن اذا اعلن التصفية راح يصير نبي بعيون الناس وهذا الي تتوجه اله انظار بومبيو محاولة اثبات جدارة الكاظمي راح اتزيد فرص ترشحه لرئاسة الوزراء وتنهي عقد وجود الاحزاب
اعتقد ان الكاظمي كلف امريكا الكثير وما راح تتنازل عن تجميل صورته امام الشعب
وهذا الي نريدة مو شرط يكون وطني الاهم ينتشل البلد من المستنقع
نتمنى خيرا
يسلموا ع موضوع
عزيزي فقار يمته يحتاج الوطن المقاومة
يحتاجها من تدخل الجيوش اراضيه بالغصب
الي نشوفه اتفاقيات حكومية ومن السهولة جدا تخرج هذه القوات بالاتفاق والحوار .. اما تجي تقصف اكيد راح يزيدون قواتهم حته يحافظون على مواقعهم
وتعال هو حزب الله شدخله بالعراق هو مو مقاومة ضد اسرائيل شجابة للعراق ؟
زين وياك تقصف ماشي بس تلزم المنافذ وتهرب براحتك شنو معناها ؟
هنا صار ارهابي لو هم تكول عنه مقاومة ؟
شكرا للطرح
يتبع..
نوررتني
اهلا بك
العراق خلص من صدام وظلمه..
ووگع بيد زمرة حرامية همج.. لاخيافة الله ولاعباده..الناس تتضور جوع.. وتاكل من الازبال.. وهمه ارصدتهم بكل الدول صارت مليارات الدولارات... الله ينتقم منهم... ويخلصنه.. والخلاص بسهل ابدا..
حسبنا الله ونعم الوكيل
هلا رماد
الموضوع متعب ومؤلم قد تكون لي عودة مجددا اريد اسوي قهوة علمود المسابقةالسلام عليكم
مقاومة بطعم الليموني
الي يدعون المقاومة ادري العراق منو محتلة حته تصيرون مقاومة ؟
منو دز عليكم حته تدافعون عنه
هي ابعد ماتكون مقاومة وممكن نسميها مقاولة الجماعة مستلميها لهجم العراق
لو لان اتعبرون السلاح من ايران لسوريا لحزب الله
لو لان مستفادين مليارات الدولارات تحصلوها من المنافذ
انتم شنو قضيتكم كل شوية وصحتوا الحشد
الحشد الي نايم بالجبهة مو انتم الي اتسرقون اموال العراق وتدزوها لحسن نصرالله
العراق جاي يخوض حرب بالوكالة عن ايران وهمه نفسهم هالجماعة اللي بالصور جاي يلبسوهم بدلات جديدة ومرة يحررون القدس ومرة يحركون العلم الاسرائيلي واخرها حرق صورة الكاظمي لانه بده يشتغل صحيح
*المرجعية نفسها طالبت الف مرة بانهاء ما يسمى الحشد الشعبي من كالت يجب ملاحقة السلاح خارج الدولة وانهاء المظاهر المسلحة
هو لازم نفرق بين الحشد وبين المقاولة حل الحشد الشعبي مو صحيح بهالفترة داعش مازال موجود ومازال يشكل الخطر الاكبر على العراق وانما دمجهم مع الجيش العراقي ليكون قوة واحدة ضاربة ولائها للعراق فقط دون اي حزب او مكون .
*ونفسها كالت جهاد كفائي يعني بس ينتهي الظرف الحالي تنتفي الحاجة منه
الظرف لم ينتهي
*هي نفسها كالت يمنع زج الحشد في العملية السياسية وعدم استخدام اسمه في الانتخابات
المفروض هيج لكن الالتزام بما يخدم المصالح السياسية ومصلحة العراق جانبا
*ونفسها كالت لازم المنافذ تكون بيد الدولة انت شنو لازم حدود البوكمال وتهرب براحتك
هذا شغل رئيس الوزراء
ادري مقاومة على شعبك لو على المحتل
وتعال بعدين منين اكو محتل بالعراق ؟
لا محتل ولا شي هذه حجه وانما صراع امريكي ايراني باجساد عراقية
ما كافي ارهاب ما كافي تهريب وسرقة حته ميزانية العراق انهارت
ما كافي معطلين كلشي وتستوردون من الارجنتين
ولكم الله اكبر حته الاوكسجين وكفتوا المصانع حته تجيبونه من الارجنتين
بهذي الصور يحاولون يثبتون للعالم انهم هم الدولة لا رئيس وزراء يقف بوجههم ولا جيش هم الجيش وهم الدولة وهم الوزراء والقادة
ادري هي لزكة من لعنة على الي جابكم
لعنة
لعنة يا ارهابيين
اني واحد من الناس جنت مخدوع كلا كلا امريكا وشعارات العداء والمقاومة ....الخ
قبل 6 سنوات يلا استيقظت من الخدعة اتمنى الله يسامحني لان جنت افكر بالدين اكثر من الانسان
..
ارهابيين بغطاء ديني ومقاومة
نوورت
النائب كريم ابو سودة يطالب بأذلال الجيش العراقي ويريد ان يسكنه في الصحاري وقطع وسائل الراحة عنه !!!!
#مع جهاز مكافحة الإرهاب ضد الاحزاب
رد مع اقتباس
