المدينة الراقصـة
المدينة الراقصـة
....
تبچي من تطلع شمس من بين اهلها
وتضحك بكل مغربية...
چي تموت الشمس غربة
آخ يا مزت غرب ما بيچ تربة
آخ يالخصرچ نهر بس ما نظفتي...
عثگچ ايطيح أعلى غيرچ
وأنه اسبحچ كـربة كـربة
النهر تضحك جروفـة...
ياهو يدري شضام گلبـة
بيچ عاش الخوف قاتل
بيچ عاش الحزن قاتل
بيچ عاش الفكر جاهل
بيچ سدوا كل شبابيچ
التجيب من الله للفقرة رسايل
چانت القبلة سنابل
وتضوضوا بأقرب حرام
وشفت بعيوني مناجل صلت بظهر المناجل
ليش تفترين سبحة بأيد اليصلون حرشة
الكسروا عيون الشمس
حتى لا فيروز تصحة تغني غبشة
(أيا حافيت القدمين)
لا ترگصين أعلى دجلة
ألبسي ياهو عگالة ما يرهم لرجلة
الگصب كل مي طول يبقة الماي حجلة
طفو كل الملهم يم الله شمعة
انصفي ناس الماكو عدها فلوس دمعة
النهر عالخير يركض ما شفت واحد يدفعة
و لا يصلون أعلى نيتي الله يعرف ياهو ربعة
م
رد مع اقتباس
