هنا

[فقار الكرخي]

مرّيت بالشط گلت اشمّه
مثل الولد لو شمّته امه
ينضح شمس والروح ظلمة
يا روح، تسوين المغمّة
.......................
بفراگهم يحلالچ الموت
ويحرم عليچ منادس الصوت
بيا بخت صار النهر تابوت؟
والروج صار گبور وبيوت؟
.....................
كون البرد كض روحك وجس
ومن البرد بحضيني تندس
(كون أگعد آنه وياك بس)
(واثنينّه نلس الحچي لس)
..................
تحچيلي ياهو الباگكم بوگ
وياهو التعنّه بدمكم يضوگ؟
هم چان يدري البيده مبيوگ؟
من طين بيته، وگبره طابوگ؟
....................................
يمّه الولد، هم تذكر ارباي؟
يمّه الولد، يا شهگة الناي
مگلد الزفّة، وفرحة صباي
تاليها؟
وانشد عنّك الماي؟
................................
گلت اغفه وتنامون بالروح
وتهوبدون، وتغفه الجروح
ما مش سفينة، ولا بعد نوح
يمد للفگر، لو سيّس، اللوح
.............
گلت اغفه، وانسه الراح للدوم
واغسلهن، وما اشمّ الهدوم
ما اريد عطرك يصحه كل يوم
بحيطان حزني يدگ الهموم
.....................
ويعلّگ همومك بسامير
قمصان، تاكل منهن الطير
يديرن حزن مثل النواعير
يوسف..
ولك صار الوطن بير






ناعي سبايكر عامر عاصي..

[أستثنـآئيـّةة❤️]

يسلموو فقار