شنو يسوة العمر لو زفتك تفوت
تصير ألغيري عندي الموت أرحم
أذبح ضِحْكِتي لو گالوا أفـــــلان
لبس باليسره حلقة البيها تحلم ..!
تتناثر أعضاي بوحشة الليــــــل
وأتبعثر حبيبي وبيـــــــــــك أنلم
صاير حالي چلمة ابفاه طرمان
يگولوني بإشارة املعثمة ابغم...!
خناجر بالگلب نبتن بفرگاك
كل عقلك يَكِلّي بدونك أسلم ؟؟!
من بعدك يَكِحْل عيوني،،
الموت....الموت ..
أجه كَحَّل عيوني وتالي صخّم..!!!!
تيتّمت برحیلک یا ضوة اللیل
تعیش النجمة لو وجه الگمر تم!
ياهو ابهالبشر يترسلك مچان؟!
وأنت الكون يمك حيـــــل أنعم ...!!
✍د.ابوعلي النجفي
بتضمين من قصيدة الأنامل للمرحوم صاحب الضويري
رد مع اقتباس
