اكيد كتير من البنات ممكن يسألوا نفسهم من وقت للتاني لو شريكهم فعلا بيحبهم ، ولكن مش بيظهر ده! وده نوعا ما هيخليكي تسألي ان ممكن تكون مشاعره ليكي اقل من مشاعرك ليه؟ او هو من النوع اللي مش بيعبر عن مشاعره؟ لكن لحسن الحظ انك مش هتضيعي وقتك في التفكير في الاسئلة دي تاني ، وزي ما بنقول ان الرجالة مش بيقولوا بالكلمات ، ولن افعالهم بتتكلم بصوت اعلى ، ولو انتبهتي للتصرفات هتقدري تعرفي ان شريكك بيحبك اكتر ما انتي فاكرة كمان ، والنهاردة من خلال السطور الجاية هنقولك 10 علامات تثبت حبه ليكي محتاجة انك تاخدي بالك منها.
10 علامات تثبت حبه ليكي:
1- بيحترمك:
تصرفاته بتصرخ وتقول انه بيحترمك ، سواء بينكم وبين بعض او قدام الناس ، على طول مش بيعمل حاجة تسبب لك احراج او اهانة باي شكل ، ولكن بالعكس دايما يبصلك باعجاب وبيدعم رأيك بنفس المقدار اللي من ناحيتك ليه.
2- بيديكي مساحة:
بيسيب لك مساحة انك تعملي اي حاجة انتي بتحبيها ، وبيبقى في مساحة حرية ، وبيثق فيكي ومش بيتجسس مثلا على تليفونك ابدا او يفضل مراقب صفحتك على الفيس بوك ، ولكن بالعكس بيشجعك انك تقضي وقت مع اصحابك وتنبسطي ، ولما تكوني بره البيت مش هيلاحقك كل دقيقتين بتليفون عشان يعرف انتي فين او مع مين.
علامات تثبت حبه ليكي
3- هيغير عليكي بطريقة لطيفة:
اكيد هيديكي مساحتك ولكن اكيد هيغير عليكي برضه ، يعني لو حس ان حد بيبصلك ساعتها اكيد هتحسي بالغيره منه عليكي ، والغيرة مش معناها عدم ثقة فيكي ، ولكن ده تعبير عن حبه ليكي ودفاع عن افضل واغلى حاجة هو يملكها واللي هي انتي.
4- علاقته كويسة بالاشخاص اللي يهموكي:
هيحاول تكون علاقتة كويسة بكل الاشخاص المهمين بالنسبة لك ، مثلا لو صاحبتك او حد قريب منك عنده مناسبة او عيد ميلاده ممكن يفكرك بالتاريخ ، او حتى هتلاقيه بيساعدك ويلف معاكي تشتري لها هدية.
5- هيحتويكي في ايامك الصعبة:
في وقت الدورة الشهرية كل البنات بيكون مودهم مش مظبوط وبيتعرضوا لمشاعر واحاسيس مختلفة خلال الفترة دي ، في الوقت ده هتلاقيه بيحتويكي على قد ما يقدر باحضان وقبلات كل شوية هيجيلك شوكولاتة وكل الاكلات اللي هو عارف انك بتحبيها, هيكون صبور مع تقلبات مزاجك وعارف كويس اوي قد ايه الفترة دي بتكون صعبة كل شهر بالنسبة لك ، عشان كده هتلاقيه بيبذل اقصى حاجة عنده عشان يخليكي مرتاحة.
6- هيدعمك في كل الاوقات:
هيكون معاكي الشخص اللي مش بيحكم عليكي ، وخصوصا في اي حاجة متعلقة باحلامك وطموحاتك ، هيدعمك من غير حدود ، حتى في ابسط الحاجات هتلاقيه بيشجعك وبيساندك.
7- بيسمعك باهتمام:
وانتي بتتكلمي معاه ، هيسيب تليفونه, هيقفل التليفزيون, هيقفل اللاب توب ، وهيسمع اللي انتي بتقوليه باهتمام ، ومش هيبقى قاعد بلا مبالاه او مش مهتم باللي انتي بتقوليه من ابسط الحاجات واصغرها لاكبرها ، يعني من اول رايه في قصة شعرك لحد رايه في اي مشكلة كبيرة عندك هيدي الاتنين نفس الاهتمام ، هيقولك رايه بصراحة ومن غير تحيز ، وفي اوقات تانية لو مش محتاجة راي هيكون برضه مبسوط انه بيسمعك بس.
8- بيناقش افكاره ومستقبله معاكي:
اكيد عنده افكار وطموحات كبيرة للمستقبل ، هتلاقيه بيشارك معاكي كل حاجة هو بيفكر فيها وطموحاته وهيخليكي جزء من كل حاجة في حياته ، ومش هيتخيل اي خطوة في حياته من غيرك ، وبيعمل ده مش لانه لازم يعمل كده بصفتك شريكته ولكن لانه عايز يعمل ده وبيحب يشارك كل حاجة معاكي.
9- لما يقولك بحبك بيكون فعلا بيعنيها:
ممكن يكون من النوع اللي مش دايما بيقول كلمة بحبك ، ولكن في اللحظات النادرة اللي بيقول فيها انه بيحبك ، هتكون دي فعلا الحقيقة وبيعني الكلمة بكل ما فيه.
10- مش هيتخلى عنك لاي سبب:
اكيد اي اتنين بيحصل بينهم خلافات ، ومهما كان الخلاف بينكم عمره ما هيتخلى عنك ابدا ، ولكن بدل كده هتلاقيه بيحاول انه يصحح الامور عن طريق نقاش ناضح لحد ما توصلوا لحل سوا يرضي جميع الاطراف.
لو شريكك تصرفاته فيها العشر علامات دول ، اعتبري نفسك محظوظة واتمسكي بيه جدا ، لانه بقى صعب جدا اي بنت تلاقي راجل بالمواصفات دي في الايام دي.
رد مع اقتباس
