هنا

[أنثى حائرة]

السلام عليكم
ادخل بصلب الموضوع
قبل فترة قصيرة اجتني رسائل على الواتس اب محتواها فلانه احبج ليش عفتيني ومن هذا الكلام الاسم مو اسمي يعني غير اسم كلت هذا مشتبه بالرقم فرديت عليه انتو غلطانين بالرقم
حظرته رجع من رقم ثاني وثالث
المشكله عنده صوري كنت اخليهم خلفيه للواتساب او حالات انشرهن
وجاي يهدد بيه
بلغت اعمامي واخواني بالموضوع حاولو يتواصلون وياه بس قافل على نشر رقمي وصوري مفبركه
الي اطلبه منكم طريقه برنامج يحددلي مكان الشخص ومنو لان الموضوع مسببلي تعب نفسي صراحه
وهذا تشهير بالسمعه مو قليل
حاولت اقدم شكوه بس حظرتجوال واحتمال كبير اذا عرفوه ينكر ويكول هذا الرقم ضايع مني او اي عذر ثاني
وشكرا

[Suzana]

برأيي تكسرين الشريحة العندج وتلغين كل حساباتج ع الفيس وباي مكان وبوقتها مراح يزعجج ويبقى راسج بارد وللعلم مراح ينشر اي شي مجرد تهديدات لانه ديشوفج خايفه ديحصله كم فلس من وراج ..صيري قويه

[علي الازيرجاوي]

اختي دام اهلج يعرفون بالموضوع ماكو داعي للخوف

ثاني شي تروحون ع اقرب سيطره ب منطقتكم للجيش راح تلكون ارقام هواتف ..
هاتف ضابط الاستخبارات
هاتف الامن الوطني .
تتصلون ع اي واحد منهم وانطو المعلومات +الرقم وهم يتكفلون بالباقي

[ســـــجـــــودي ﹩ʝ☹]

السلام عليكم

اتصلو على 131 جهاز الأمن الوطني - مكافحة الابتزاز الإلكتروني

بسريه تامه راح يحددون موقع الشخص ويلقون القبض عليه

تحياتي لكم

[Secluded]

عيوني روحي لمركز الشرطه واتصلي بي (الي ديهدد) من يمهم وهم راح يحددون الموقع مالته وخلي يرحوله هم الشرطه ويشوفون شغلهم ويا، و ربي يحلها الج ويخلصج من هالتافهين المكروهين ،.

[كريمے بنزيمے]

انتي وجهك ابيض من الموضوع يعني اهلك وعمامك يعرفون السالفة كلها
وهذا الابتزاز المفروض ابلغ اي مركز شرطة وهم يطلعونه وتعرفونه منو لاتسكتين عن حقك بلغي شرطة

[رحيـــل]

بلغتي الامن الوطني لولا
يجيبونه منين مكاعد
المهم عندج دليل تهديد وابتزاز حتى لو انت ناشرة صورتج

[علي الواسطي]

قدمو بلاغ بالامن الوطني يجيبوا من جوا الكاع
انتي مدام ممسوية شي غلط وبلغتي اهلج اطمأني
وان شاء الله ماكو شي

[Orion]

اختي الغاليه سوو إبلاغ عليه بالامن الوطني يشيلو هو وأهلهنماذج تعبانه لا ذمه ولا ضمير

[راشـيـل يـعـقـوب ✡︎]

مثل ماخبروكِ الاعضاء هون .. بلغي الأمن الوطني وشرشحيه وبهدليه ، مشان تاني مره مابيعمل هالعملة الوسخة ..