درر العراق

،،،،،،،،، · 29/June/2020

مـن يوميات زوجين في زمن الكورونا

- احمد.... أني أريد أتطلگ

- ماشي

- يعني شنو ماشي بالله!!

- يعني ماشي راح اطلگج ..
شنو مامفهوم كلامي؟

- ماتريد تعرف ليش اريد أتطلگ ؟!

- گلتيلي قبل هوااي شغلات وأكيد عندچ أسبابچ المنطقية اللي تخليچ تطلبين الطلاگ.. إنتي موصغيرة وتعرفين مصلحتچ

- يعني شنو بالله موووو صغيرة! لأ يا حبيبي اني بعدنني صغيرة ونص ولو چنت إنت....

- ماشي.. إنتي صغيرة وتعرفين مصلحتچ

- صغيرة بالسن بس عقلي كبير وفاهمة

- أكيد

- يلة...شوكت راح تطلگني لعد؟!

- بس أرجع من الشغل

- والجهال وين نوديهم؟

- الي انتي تريدينة

- مو مثل ما اريد يا بابا
على قانون الأسرة الجديد .. الجهال يبقون وياية لحد ما يصير عمرهم ١٨ سنة

- ماشي.. ولو رايدتهم العمر كله هم اخذيهم

- طبعاً تريد تخلص منهم علمود اتديييح وي النسوان وتروح تتزوج وأني اللي ابقى مسحولة يمهم وعلى تربيتهم!

- مااااشي لعد اخذهم اني اربيهم وإنتي روحي واتزوجي

- لا يا حبيبي، الطربگة الها ناسها.. ومراح تلوي ايدي بالجهال وراح اخدهم غصب عنك

- حاضر

- وراح اخذ البيت بالشرع والقانون

- ماشي

- طبعاً... البيت صغير وراح تعوفة النا وتروح تاخذلك بيت احلى منة .. انت اصلا مامهتم بيه ولا بجهالك

- لا مهتم طبعاً

- والنفقة راح اخدها من عيونك

- من نص عيوني...تدللين

- وراح انقل الجهال بمدارس خاصة وانت تدفع غصبآ ماعليك

- تدللين....

- والسيارة

- اخذيها...

- زين... تكدر تگولي انت وين راح تسكن ورة الطلاگ؟

- راح اتصرف.. لاتشغلين بالك

- وليش أشغل بالي ! هو إنت اصلا راح تعوفني مربوطة وي جهالك... وتروح إنت تعيش حياتك بأي مكان

- الله كريم

- زييييين... شنوو رأيك ورة مانتطلگ تجي تعيش ويانة هنا.. حتى همات عينك على الجهال

- ماشي.........

- زين...وين رايح هسة؟

- للحمام....

- حسب حسابك... مو تحاول تنتحر مثل كل مرة....اموتك والله .. أني مووو مستعدة أضل أرملة وكل واحد مايسوى يجيب بطاريي

- أنتحر....!!!
وأعوف الكيكة اللي سويتيها البارحة بالمطبخ...!
مالحكت اكل منها بس شووووية

- صدوووووگ.... عجبتك!

- تجنن

- بس شووو حسيتها هبطانة وناشفة ماخليتلها جوز وشكولاتة ....عبالي ماعجبتك!!!

- ديري بالج تگولين هيچ
هاي أطيب كيكة اكلتها بحياتي.. روحي جيبيلي منها شوية

- ماشي حبيبي...
وراح اسويلك وياهاا فنجان گهوة يعدل مزاجك....

لحد يسئل على سبب العركة
هاي هرمونات انثوية.كورونية

النص منقووول بس عجبني بصراح