ابأول سعر!!--حسين الساعدي
كَفينه العتاب و صار الوداع
لحظه وكلمن ايروح ابطريقه!!
ابذاك الطريق الرسمته الكاع
لازم نرجع الدرب الحقيقه!
انته ابضحكتك وبنفس الاوضاع!
وانه ابدمعتي الصارت صديقه!
بيك اتوثقت كل ذيج الاطباع,,
بيدك وقعت هاي الوثيقه!
ابكلبي حريقه اتهيج الاوجاع
ناطر دمعتي اتطفي الحريقه!
يابايع الورده الاجل الاطماع
تدري ابلا ورد وحشه الحديقه!
ما شايف سفينه اتبيع الشراع
متعجب عليك ابهل طريقه!
ليش استعجلت بايعني شبساع!
اباأول سعر ! واأول دقيقه!
ابأول سعر واول دقيقه!
حسين االساعدي
رد مع اقتباس
المشاركة الأصلية كتبت بواسطة انثى مخمليةة
