هنا

[فقار الكرخي]

ياحلم عشرين عام
اگبالي يقضه
يرش طريق العشك فضّه
يهزر العاگول عن دربي و يرضّه
يترس كتاب المحبه .. ومضه ومضه
يبني شجرة جارنه الغطت سطحنه
ابتسمت النه وعلگت شمعة فرحنه
وطاب يوحيّد جرحنه

يبني .. يبني
اشتكفي هلهوله اطشهه ابدرب حبك؟
اشتكفي صينيه ورگ نومي اعله دربك؟
انه كل الگاع متلمني ابمحبتك
يالخطبتك .. اغله من كل الهلاهل

وضوه من نور المشاعل
يبني واربعطعش بسته ابگاع دارك
شويه لو گتلك
مبارك
اشويه من يضحك ظلام الليل
ويغني نهارك
يبني .. يبني
شوف مشحوف السعاده وين ذبني
بجنة الحب الزهيه
و حِشت من شجرة محبتكم بديه
يبني واطيور العشگ حامت عليه
تگلي اعجني الحنه لچفوف الشباب
اتكلي عالجنه انفتح بالخطبه باب
وماتت ايام العذاب...

شوف شجرة جارنه الغطت سطحنه
واعلگت شمعة فرحنه
يا حلم عشرين عام اگبالي يقظه
ايرش طريق العشگ فضه
يترس كتاب المحبه .. ومضه ومضه








الراحل كاظم الرويعي

[ســـــجـــــودي ﹩ʝ☹]

الله

شكرا فقار ع نقل

[انثى مخمليةة]

روعه