المشاركة الأصلية كتبت بواسطة Ahmed Alkraawi
شوفي خيتي الانترنيت حالياً بحر معلومات وما اعتقد اكو شي ابالج مراح تلگيه .. راح اعلمج شغلات تفيدج وان شاء الله بعد مراح تحتاجين مساعدة وتكونين باحثة جيدة ومعتمدة على نفسج .
اي موضوع عندج او اي تقرير .. اول خطوة تقومين بيها
١- تدخلين للگوگل .. تفتحين اي متصفح من متصفحات النت وتكتبين گوگل او
www.google.com.
٢- قبل ماتبحثين عن الموضوع لازم تعرفين هو الموضوع او هذا المصطلح شنو ؟ يعني قبل ماتبحثين اي شي .. تكتبين المصطلح او الموضوع المطلوب وتكتبين وياه .. ماهو (..) .. او تعريفات ومفاهيم (..).
٣- هسة نجي انوب طريقة البحث بالانترنيت .. وانتي محتاجة شنو ؟
اذا محتاجة نص وورد راح تكتبين هكذا ..
المصطلح Doc
اذا محتاجة نص ملفات راح تكتبين Pdf.
اما اذا محتاجة شرائح بوربوينت راح تكتبين pp.
٤- موقع كوگل الباحث العلمي ( google scholar ). هذا الموقع خاص بالبحث العلمي ( اطاريح ، رسايل ، كتب ، ابحاث ، مؤتمرات وندوات وتقارير ) .
٥- مواقع الجامعات العراقية وغير العراقية والدخول الى مستودعاتها ومكاتبها والحصول ع المخزون العلمي لديها ..
مثلاً .. نكتب هكذا بالبحث " مستودع الرسائل والاطاريح والابحاث جامعة الكوفة او بغداد وغيرها " .
وايضاً .. مواقع اخرى .. خاصة بكل كلية وقسم .. مثلاً " مستودع الابحاث العراقية الاقتصادية او القانونية وهكذا ".
وغيرها .. ونفس الشي بالنسبة للبلدان العربية ..
اكو شغلات اعرفها مهمة جداً وراح احاول اضيفها بموضوع مستقل .. ومنها الحصول على رسائل والاطاريح والابحاث من بعض مواقع الجامعات التي تطلب الشراء والحصول عليها بالمجان .
اتمنى اكون قدمت مساعدة لحضرتج بهذا الموضوع ولغيرج ..
تفضلي شوفي هذا الرابط بخصوص موضوعج
https://youtu.be/_UNGVTfvkmk
رد مع اقتباس