هنا

[Scrap]

احنه نعرفها ونحرفها.... ميحتاج روحه للقاضي...

تذكرت النكته مال غزل شرعي
( عاشو = على قيد الحياة )
شنو يعني خيانه؟
ليش هو الغزل حلال للغير متزوج
يجوز الشخص المتزوج يريد يرتبط من جديد ويعتبر هنا مو خيانه

[رحيـــل]

خاف اعلق واطلعوني زنديقة

[¥محبوب$القلوب¥]

السلام عليكم ورحمة الله وبركاته
اشكر الاخ رماد على مواضيعه الهادفة
لكن بحسب ما قاله الاخ رماد هنا يعتبر خيانه (صاكة فديت ربج ) بأمكانك أيها المتزوج ان تقول هذا لزوجتك و تستبدل السيئة بالحسنة و الكلمة الطيبة صدقة
مودتي خالصة لجميع الأعضاء الذين يرون اجابتي

[Suzana]

مرحبا
الغزل للشخص المتزوج لغير زوجته يعتبر خيانة لو عادي اي وحدة يغازلها ويتوددلها بمواقع التواصل ؟
اذا كان الغزل عذري وبهدف التودد والملاطفة فبرايي عادي بس كون الطرف الاخر يعرف هالشي مو يبقى يفكر ويحلم اما خيانة او لا خو يگولها اني هيج دااسوي ومالي قصد بشي غير الملاطفة ولو بالهدف لو بالنجف وهاي علمود ماتعتبر خيانة بس كون ما امقصر ويه مرته ويروح يتغزل ببنات العالم..
يمتة تحس المرأة او الرجل المتزوجين بالاكتفاء ؟
الاكتفاء من الغزل والملاطفة ؟ ماكو هالاحساس بالاكتفاء هالشي غذاء روحي،والاثنين يبقون بحاجته الى نهاية العمر ..
ليش نشوف بمواقع التواصل نساء تاركات بيتهن واطفالهن ومتفاعلات بالگروب (ناااااار )
تحتاج المراة ان تعيش حياتها ولو افتراضا من خلال التواصل الاجتماعي تريد تشعر بوجودها اتشارك تفيد تستفيد تكون صداقات وتواكب كل التطورات الحاصلة بالموضة والفن ،تتعلم الطبخ ، الموضوع مو حصرا ع الرجل اللي سالب منها حياتها الواقعية هو واطفاله ..
ليش ما تتفاعل وية زوجها او ليش ما يتفاعل هو وياها ليش يدخل خاص وينشئ علاقات مشبوهة لا هي صداقة ولا هي حب !!!
هذه تعود للزوج يكدر يخليها تتفاعل وياه؟ يشاركها الحديث ؟ويخليها تحجي بكل حرية ، اكو تشابه بالاهتمامات بينهم ؟لكن اذا هي تحجي وهو صاد بصفحة والهموم مثقلة حياته ومعذور طبعا لانه واقع الحال مؤلم بس مو كل شويه لتدوخيني راسي يوجعني .. من المؤكد راح تبحث عن بديل يفهمها ويخليها تحجي براحتها وطبعا عندها راح يكون الصدر الحونييين المليان لطافة وبمواصفات خيالية بحيث ماتكدر تتركه ابد واذا مل منها وتركها راح تشتغل البواجي والمنشورات الحزينة..وايضا الامر للزوجة مو فقط الزوج ..الاهتمام بادق التفاصيل مهمة جدا لاستمرار الحياة الزوحية بلا شوائب..
زين اذا انت تعتبر الغزل مو خيانة لزوجتك
يصير اكول لزوجتك "طالعة تكطعين هنياله النايم يم الكمر" لو "تموتين تجنني عسل " تتقبلها مثل ما تكولها لوحدة غيرها لو تثور غيرتك
خل نكون صريحين ماكو اي زوج يقبل على زوجته تسمع هالكلمات واذا عرف فمصيرها الطلاق لكن شو هو يشتغل على لا انطيك ولا اخلي رحمة الله تجيك..يااخي لاتنشغل عن مرتك وانطيها حقوقها الحياتية مو تبقى اتعدد شو معيشها احسن عيشه المسواك كوله توب وجبتلها احسن طباخ واحسن اثاث والاطفال كولهم خطوط ومدارس اهلية ههههههه يااخي المراة كتله مشاعر هي تحتاج حب واهتمام قبل هذن التسولف بيهن ..هذن يسموهن مستلزمات الحياة الاسرية مالها علاقة بالمشاعر انطيها حبك ومشاعرك قبل كولشي حتى لا اتحس انه محتاجه لغيرك..
وشنو موقفك اهنا لو وانت تغازل زوجة واحد اكو واحد يغازل زوجتك
موقفه معروف عركة طويلة ونهايتها فضيحة واتروح لاهلها
ع العموم يدخل الغزل ضمن مفهوم الخيانة لو لا ؟
سؤال صعب صراحة بس لو ملتزمين بالدين الصحيح فاكيد خيانة ،وطبعا كله من وره المعممين الجدد دمروا الدين وخلوو الناس تايهه ..
الموضوع تلاحظه من تحتك بالفيسبوك
وغيره من المواقع ومن ضمنها المنتديات
شنو السبب
مافهمت السؤال الاخير بس بصورة عامة هنه المتنفس الوحيد لكليهما


يسلمووو رماد

[رمـْـْْـْــــــــآڊ]

احنه نعرفها ونحرفها.... ميحتاج روحه للقاضي...

تذكرت النكته مال غزل شرعي
( عاشو = على قيد الحياة )
شنو يعني خيانه؟
ليش هو الغزل حلال للغير متزوج
يجوز الشخص المتزوج يريد يرتبط من جديد ويعتبر هنا مو خيانه

والله يا سكراب الخيانة متفرعة بس الي نعرفة انو الاسلام ما جوز الغزل لغير الزوجة .. ايجوز الاطراء كونه نوع من انواع المجاملات
احنه غير مسلمين لو انجذب على الله ورسوله
انه اكلك مو حلال بس طالما المتزوج يغازل غير زوجته يدخل ضمن مفهوم الخيانة

نووورت سكروب

[مـصطفى]

بما ان المرأه كائن عاطفي شفاف بغض النظر عن سنها
يكون هنا التعامل معها بأسلوب يليق بأنوثتها وتركيبتها الساكيلوجيه من باب "الكلمه الطيبه صدقه " ويكون بحدود اخلاقيه واجتاعيه.

اما الغزل لما ذكرت انفآ انا اعتبره يدخل مدخل الخيانه ربما رأيي لا يعجب البعض لكنه بقانون قاعده وليس نظريه

[رمـْـْْـْــــــــآڊ]

خاف اعلق واطلعوني زنديقة

احجي حجية سارة
ننتظر تعليقك

السلام عليكم ورحمة الله وبركاته
اشكر الاخ رماد على مواضيعه الهادفة
لكن بحسب ما قاله الاخ رماد هنا يعتبر خيانه (صاكة فديت ربج ) بأمكانك أيها المتزوج ان تقول هذا لزوجتك و تستبدل السيئة بالحسنة و الكلمة الطيبة صدقة
مودتي خالصة لجميع الأعضاء الذين يرون اجابتي

احسنت محبوب القلوب ..
هنا لكلمة الطيبة تسمح بالمجاملات لان لو اتوقف العالم عن المجاملة ينتهي التواصل بالكرة الارضية
احنه مشكلتنا بالغزل للمتزوجين
نوووورت

[رمـْـْْـْــــــــآڊ]

مرحبا
الغزل للشخص المتزوج لغير زوجته يعتبر خيانة لو عادي اي وحدة يغازلها ويتوددلها بمواقع التواصل ؟
اذا كان الغزل عذري وبهدف التودد والملاطفة فبرايي عادي بس كون الطرف الاخر يعرف هالشي مو يبقى يفكر ويحلم اما خيانة او لا خو يگولها اني هيج دااسوي ومالي قصد بشي غير الملاطفة ولو بالهدف لو بالنجف وهاي علمود ماتعتبر خيانة بس كون ما امقصر ويه مرته ويروح يتغزل ببنات العالم..

هنا انت تقصدي الملاطفة واني وانتي نعرف انها مو خطا بس نحجي ع الغزل اذا جبت زوجك وكتلة شوف الكلام الي كالوه لمرتك يقبل ؟ اكيد لا ونفس الشي ع الزوجة ينطبق

يمتة تحس المرأة او الرجل المتزوجين بالاكتفاء ؟
الاكتفاء من الغزل والملاطفة ؟ ماكو هالاحساس بالاكتفاء هالشي غذاء روحي،والاثنين يبقون بحاجته الى نهاية العمر ..

الي قصدته بالاكتفاء ببعض يعني كل زوج يشوف زوجته وبس ..

ليش نشوف بمواقع التواصل نساء تاركات بيتهن واطفالهن ومتفاعلات بالگروب (ناااااار )
تحتاج المراة ان تعيش حياتها ولو افتراضا من خلال التواصل الاجتماعي تريد تشعر بوجودها اتشارك تفيد تستفيد تكون صداقات وتواكب كل التطورات الحاصلة بالموضة والفن ،تتعلم الطبخ ، الموضوع مو حصرا ع الرجل اللي سالب منها حياتها الواقعية هو واطفاله ..

كل الي ذكرته مافي شي بس مال يكعد واحد يتغزل بيها هنا شنو يكون موقف الزوج

ليش ما تتفاعل وية زوجها او ليش ما يتفاعل هو وياها ليش يدخل خاص وينشئ علاقات مشبوهة لا هي صداقة ولا هي حب !!!
هذه تعود للزوج يكدر يخليها تتفاعل وياه؟ يشاركها الحديث ؟ويخليها تحجي بكل حرية ، اكو تشابه بالاهتمامات بينهم ؟لكن اذا هي تحجي وهو صاد بصفحة والهموم مثقلة حياته ومعذور طبعا لانه واقع الحال مؤلم بس مو كل شويه لتدوخيني راسي يوجعني .. من المؤكد راح تبحث عن بديل يفهمها ويخليها تحجي براحتها وطبعا عندها راح يكون الصدر الحونييين المليان لطافة وبمواصفات خيالية بحيث ماتكدر تتركه ابد واذا مل منها وتركها راح تشتغل البواجي والمنشورات الحزينة..وايضا الامر للزوجة مو فقط الزوج ..الاهتمام بادق التفاصيل مهمة جدا لاستمرار الحياة الزوحية بلا شوائب..

صحيح

زين اذا انت تعتبر الغزل مو خيانة لزوجتك
يصير اكول لزوجتك "طالعة تكطعين هنياله النايم يم الكمر" لو "تموتين تجنني عسل " تتقبلها مثل ما تكولها لوحدة غيرها لو تثور غيرتك
خل نكون صريحين ماكو اي زوج يقبل على زوجته تسمع هالكلمات واذا عرف فمصيرها الطلاق لكن شو هو يشتغل على لا انطيك ولا اخلي رحمة الله تجيك..يااخي لاتنشغل عن مرتك وانطيها حقوقها الحياتية مو تبقى اتعدد شو معيشها احسن عيشه المسواك كوله توب وجبتلها احسن طباخ واحسن اثاث والاطفال كولهم خطوط ومدارس اهلية ههههههه يااخي المراة كتله مشاعر هي تحتاج حب واهتمام قبل هذن التسولف بيهن ..هذن يسموهن مستلزمات الحياة الاسرية مالها علاقة بالمشاعر انطيها حبك ومشاعرك قبل كولشي حتى لا اتحس انه محتاجه لغيرك..

صحيح

وشنو موقفك اهنا لو وانت تغازل زوجة واحد اكو واحد يغازل زوجتك
موقفه معروف عركة طويلة ونهايتها فضيحة واتروح لاهلها
ع العموم يدخل الغزل ضمن مفهوم الخيانة لو لا ؟
سؤال صعب صراحة بس لو ملتزمين بالدين الصحيح فاكيد خيانة ،وطبعا كله من وره المعممين الجدد دمروا الدين وخلوو الناس تايهه ..

لا مو صعب اني اخلي كلمات بكفة واخلي زوجتي بكفة اشوف حق اني اغازل هذي وزوجتي لا .. اشوف منو احق بالغزل ؟
واذا على الاسلام وضع قاعدة عظيمة حته تكون الاسرة سعيدة منع كل اشكال النظرة لغير الزوجة من ضمنها الغزل

الموضوع تلاحظه من تحتك بالفيسبوك
وغيره من المواقع ومن ضمنها المنتديات
شنو السبب
مافهمت السؤال الاخير بس بصورة عامة هنه المتنفس الوحيد لكليهما


يسلمووو رماد

نووووورتي

[CaSpEr]

ما أحب اشارك بالنقاشات بس تذكرت سالفة قبل أيام صارت عدنا.. عدنا فد شايب متزوج 2 نسوان وعنده اولاد نعمة من الله.. هذا الشايب قبل كم يوم يعاتب اولاده لان مؤدبين وما مصاحبين كم بنت وأن همه مو زلموكثر عتابه الى ان اولاده صابهم الملل وطفر واحد منهم يعاتبه ويگله همه انتم المتزوجين والشياب خليتولنا بنت نصاحبها شو متزوج 2 نسوان والله اعلم شكد تدك ناعم لغيرهن.. قصدي بهاي السالوفة ان الاهل والبيئة الي عايشين بيها يشجعون ع هاي الشغلات والغزل واما الدين فـ اظنه موجود بس بـ شهر محرم وشهر رمضان.. وعندي حالة ثانية بس اريد بيها الأمان

[رمـْـْْـْــــــــآڊ]

بما ان المرأه كائن عاطفي شفاف بغض النظر عن سنها
يكون هنا التعامل معها بأسلوب يليق بأنوثتها وتركيبتها الساكيلوجيه من باب "الكلمه الطيبه صدقه " ويكون بحدود اخلاقيه واجتاعيه.

اما الغزل لما ذكرت انفآ انا اعتبره يدخل مدخل الخيانه ربما رأيي لا يعجب البعض لكنه بقانون قاعده وليس نظريه

بالضبط فرانك
واذا تسئل الزوجة تقبلين زوجج يغازل فلانه اكيد يكون موقفها رافض
ويجوز نفسة الي يغازل هواي ممكن اذا اتزوج هذي الي يغازلها راح يغازل غيرها من يعاشرها وهكذا....الخ
مو من العدالة تغازل بنات الناس وعايف زوجتك
يجوز يكولون علينا مسوين روحهم انبياء وميغازلون لا نغازل بس ما عدنة مسؤوليات وارتباط زواج

نوووورتني