للحين وإني استاهلك
وعيوني بغيابك تبي وماتلكه شي يرضيها
للحين واني اشتاكلك شوك اليتيم الي فكد أمه
ويمر طاريها
صوتك يرن بمسمعي رحت وبقيت بلاوعي
واتمنا تمهلني ولو لحضات اشمك بيه
وياليت ساعتها اسالك هم تدري من اشتاكلك
شتسوي بيه العازه
هم تدري شيحس الكلب لمن يريد اعزازه
ينجاب طاريك وافز واضحك بوجه اليستفز
واتحمل استفزازه ما اكدر ازعل واختلف
يادوب عندي شكم جتف بيهن انشال اجنازه
عمي اني كبلك فاركت شو بس عليك اتوازه
ذنبي ب عشرتك ماخنت حبيتك وما ادري
بالتالي هيج اجازه
ما ادري ما عندك قلب تتركني اعمه بنص درب
وتكسر العكازه
يامشكله وحلك لغز عيت اشوفك مشكله
في خافكي هجرك صعب في خافكك يامسهله
عشكك ولا عشك الضنه مرت على فراك سنه
وتم الحزن في اولا
لي كان تبغي اتوسلك ابشر وحتى اليشبهك
أمرني واني اتوسله
يامشكله وحلك لغز رتك تعرف المشكله
المشكله الكالك ذكر بالجايه وبالرايحه
وشما عبر بيه الوكت جنك عفتني البارحه
تانيتك بحيره وحزن اب مختلف ويه الابن
لابي يظل مزاعله ولابي يروح يصالحه
غمضت عيني وصورتك تنشاف كلش واضحها
وغيرك اجه ابعز الظهر يتمنه انام بفيه
رايدني ويحب من صدك بس اني مدري شبيه
كالولي محبوبك جرح كلتلهم اني الجارحه
كالولي محبوبك غلط كلتلهم الله يسامحه
ولمن عفتني بلا ولف ظميت جفي الازمك
ماردت جف يصافحه
لـ مهند العزاوي
رد مع اقتباس
المشاركة الأصلية كتبت بواسطة بَشير
