أغار عليك
موبيدي ألعشك يسري بحنايا الروح
ومن شفتك حبيب الروح سميتك
حسيتك قريب وأغلى كل الناس
ولأكنك حبيب ويوميه أطب بيتك
ومو سكته ودفن حبيتك وخجلان
كل الناس تدري يوم حبيتك
بس تبقى لغز ماتنكشف للغير
يروحي بروح روح الروح ضميتك
ضميتك وأغار من الهوى يحاويك
ومن ابد ماغرت مايوم حاجيتك
يانسمة هوى شمدريني راح أهواك
كلت مثل الهوى وما أدري شميتك
ومن ذاك الوكت ماغبت عن البال
الكلب بسمك تسجل ونحسب بيتك
يانبعة ورد مابيك نتفة شوك
ناعم يزهي لونك والعطر صيتك
فصلت البشر سويتهم تمثال
وأنت الروح بالتمثال خليتك
حجر كل اليشر بس كامو يحنون
قطرة انطيتهم من بحر حنيتك
يانهر ألعشك ياسلم الأفراح
عطشان وحزين وواكعو جيتك
رايد كلمه منك مو كلام أهواي
وأذا أنت تريد أروح لبيتك
بس كلمة أحبك كافي عاد أرجوك
حتى لو بالكذب بس كول حبيتك
رد مع اقتباس
