يلاكيني وجهك بي ضوه البسمله
يلاكيني وجهك بي ضوه البسمله
وتندار ولكه بضهرك شجم هله
الخيمه وعيون الحرم للنهر
ركضن يشوفن موعد الزلزله
طب وعكد جرفين للعلكمي
العبدالله كارورك النهر فصله
عطشت سواجي المشرعه بصولته
وكصت الكافل ضلت مبلله
السيف اذا ينكع تعشكه الحرب
وعيونه بركاب العدو مكحله
صاعد عله اضهور الجفوف السمر
لن سيفه طالع من كفه المرجله
جر من جنح جبريل ريشه الكمر
وسواها خيمه الاخته لمدلله
خله النفس ينزع نفس من غضب
وكربله تصيح الغوث من كربله
شمت اجدامه الكاع وتفطرت
وردت ال الله بلاوعي مهدله
كلتله ربي العلنهر من يكن
كللها رجعي وشاهدي التكمله
ردت وشافت كل عثك متهم
والنخله جانت مستحه محمله
جاسمعت العباس سامع خبر
العثك صاير قوس يكطع نحر
عبد الله وانه اغلام ابوي الكمر
اليوم اطكن حرمله بحرمله
خل يبرد الكاروك لاينهضم
العنده مثلي الدنيا ماتوصله
ركز على جفوفه وتعرفه الخشن
من شمرت يده تبين معدله
تارس عيون الخيمه ماي وضوه
وشحده منجل يوصل السمبله
علي ياسين اللامي
رد مع اقتباس
