دارميات عراقية...
ظلمه ودرب عاثور والدنيه گشره
ريت الله لايطيك يالخذت بُشره
دن واسمع الهن ويد روحي وگلبهه
مغترضه شلهه الناس ناري بحطبهه
يالردت عني تروح روح بسلامه
بس عدنا راح يصير يوم القيامه
والحسن احلف دوم مابعد اجيكم
اوصل لحرف النون وارجع عليكم
بكل حلو لوله تصير بس شحجي عنك
صارت اللوله البيك حتى احله منك
كالو تريد اتروح واتعذب الروح
امودع الله اوياك بس ابقى لتروح
كالو تريد اتروح واتودع بساع
جا غير اشيل الگاع والزكه بالگاع
اجمل صباح اليوم وبعمري بس هاي
شلت الغطه وفزيت لن عيني بهواي.
شوف شكثر مكروه التجفي دنياهه
حته الصديق يكول عيب امشي وياهه.
ريت الالم مو بيك ياريته بيه
دونك لجر الموت بثنين اديه
ترجف عليك اعضاي كل ساعه وتلوج
ودموعي عالخدين روج بأثر روج
من عمت عينه الكال بفراكك ارتاح
ابجي ابسواد الليل حتى الرمش طاح
كلبي اشتكالك ليش ترفض شكيته
متيه وشافك صاح احا لگيته
موحش يبعد الروح گلبي التركته
والدم صفه الونات والحسره دگته
روحك لون تشتاك من كثر الفراك
حظن بحظن وياه وتكلي مشتاك
تبجي بغزاره.. نكول هنيال العيون
وشلت دمع العين وصبحت مجنون
يا يــوم افــز والگـاك..متــوسد ايــدي
ولـو صــدك صــارت هــاي.. صدكنــي عيــدي
سهــران انه ومهــموم.. والغــالي نــايم
خـــل بيــه كــلشي يصــير.. بس كــونه ســالم
مــو كل اليحــبون.. حبــهم مثــلنه
اكثــرهم يــلعبــون.. وبلا محـــنه
انـــي ادري مــــا تنطـــال .. بالحلم حتــه
بس الگــلب والـــروح..مـالكهن انــــت
شمــا اكتــب الكلمـــات ..ماتوصفلكم
شگد گـــلبي يحمل شــوگ ..وشگـد احبكم
نخله انه وي الريح اتحرك ابسر
هذه اني حالي ايصير من اسمك يمر
جار البيوت ايشيل ويمكن يسافر
بس انته جار الروح وبالگلب صاير .
ملهوف اجاني العيد هااا گتله شتريد
راويته جرح هواي ضل يلطم العيد .
ثوب العرس بجفاك ملخته تمليخ
ولهل الهوه ايظل دوم خليته تاريخ
رمضان اجانه ارجوك لا تطلع اصبر
عيد انته لو شفناك معناها نفطر .
بالك تظن واتگول عشرتنه مده
باب الگلب مفتوح هيهات اسده .
لا تظن يوم انساك واگدر املّك
ومابيه حيل فراگ من هسه اگلك
طگ گلبي والعباس كلش عليكم
مو ممشه.. لا دقلات راح انه اجيكم .
لعيونك الحلوات بس اكتب اشعار *** وحته الكلب مرات من عدهن يغار
ثاري الكلب بالشوف اقوى من العيون *** يعني التضيعة العين بالكلب مدفون.
يم بيتي ريتك كون واشمرلك العين *** تشبعلي منك شوف وتردلي بعدين.
أشمرلك العينين لو يمي بيتك *** وانتحر ست مرات لو ما لكيتك .
رد مع اقتباس
