حميد آل سرهيد
فتشني باالتغسيل يالتمشي جناز
ماخذت بيدي وياي كلشي من الأعزاز
تكليف رحم البديري
بيدي وكرضهه الفار فجة عباتي
كل هذا ماذليت وامشي برهاتي
ابشفرتك مرخوص كص باللحم كص
بالك تخلي الطير من يبلع ايغص
راهي سعيد ناطور
لا غندبت ماجيك من تذبح ابعير
تدري الكلب عصفور من ترمش ايطير
اعزاز اعوف عليك يالغالي واجلي
وشتبعد اتعناك حافي عله رجلي
شوفتك فكة باب عند المساجين
وكبة ذهب وتنور وسط احجر الطيين
قاسم الياسري
مره وتنشف الريج ساعات الاوداع
وانت بصلافه اتكول م رجلك بساع
ستار الزلي
انخالك ايد اتنوش لاتنخه عضبه
حاشاهه مو تقصير مدتهه صعبه
يوسف نبي وحسدوه رادوله موته
المو نبي شيردون من عنده اخوته
علي الطائي
اي وحك ذاك العاش عمره ابطن حوت
ماتصد عيني لغير شخصك لما اموت
غنمه البديريه
خيرتج لمخلوك روحي الله يبلاج
حد الثلث نكلات وانتي برجه اهواج
ماتنسمع رحاي بس ايدي اتدير
اطحن بفايا الروح موش اطحن اشعير
عطاء البديري
روحي بهوه المجفين تشتم لكوهه
شمة يتيمه بليل لجماغ ابوهه
ندري اليموت اتروح جنازه تنعاه
بس الضميره ايموت من يمشي وياه
تعتزم روحي اتريد من جثتي اتهج
توصل لبيع الثوب بس الله يفرج
ساجد المحنه
من اهد جور اجفاك وجروح الايام
ينكطع ثلث اوكات بيه النفس كام
فليح البديري
رد مع اقتباس