ولك يا وطن يا مگرود
شمّستك
گلت تتعب
ليلتك
گلت تحلم
طفّيت الهوه المحترگ بالظلمة
گلتلي الحرگ حدّة اللّم
ولك يا هم
يا لون الوطن بسرار الملثّم
يا رشفة الماي المايعاشر لون غير الدم
مبيوگين
من ساعة دمعنة بعين كل مبسم
من تاريخ جيب السلطة والجوعان
من غصّة رسالة برحمة السجّان
من لون البياض الضاع بالدخّان
ولك يا وطن يا مگرود
شمتاني وتغطّي الموت بالبارود
شمتاني وتلم كل الحزن بالعود
وتوزعة ضماير خام
مامش طير بالغربة يصلّي اعل المطر بالجام
عباس الغالبي
رد مع اقتباس
