ضاكت ياعلي وهذا الوطن مقهور
هم جوع وفقر بينه الزمان يجور
وفوك الضيم هذا المرض يامولاي
طب علينه كوه وبينه كام يخور
كاعك ياعلي بخدمة الدفان
وصفه وادي النجف يتنفس كبور
من ضيم البعث واشكد نطينه رجال
لرحى الحروب البينه دوم ادور
جم شاب انقتل جم زفه للتابوت
وكلب ام الشهيد بكل مسه يفور
وهذا الوباء الاخذ دون حساب
مثل عودان السعف لو طبت بتنور
اريد انخاك وانت الماترد نخاي
خلصنا من المحن بلجن نشوف النور
ماضل بينه حيل وموت يتبع موت
وكلمن حجز كبره وحضر الكافور
رد مع اقتباس
