اكرونا قست ويانه والدفان!--حسين الساعدي
ياكشخة وطنه وهيبة الديوان
يا راعي البخت ياصاحب الرايه
اكرونا قست ويانه والدفان
مايدنه يمنه وخايف اهوايه,
يمرجع شمسنه ابدعوة الايمان
رد اكرونا عنا ابدعوه وفايه
بابك ينغلق ياداحي البيبان؟
ترى صعبه علينه انعاتب ابهايه!!
اجفوفك عداله الكفة الميزان
التاريخ اليكول ابهاي الحجايه!
ادري ابغيبتك زغلطوا بالميدان
حته المارموا! صارولي رمايه!
ياشارة الدين وحوبة القران
بيك اترادفن أيه بأثر أيه!
يا أول ورابع واخر الفرسان
وبدرب المنايا امثبت الثايه!
الزاودك ضاع امزور العنوان
هسه ابيا قبر ودموعه شكايه!
يا جنه وسراط ورحمة الرحمان
يا كلشي وكلاشي وصارن اهوايه!
الماوالاك دنيا واخره خسران
انته الدين كله ومنتهى الغايه
انته الدين كله ومنتهى الغايه
حسين االساعدي
رد مع اقتباس
المشاركة الأصلية كتبت بواسطة ســـــجـــــودي ﹩ʝ☹
