سيدي العازه ثگيله
سيدي العازه ثگيله
وخوفنه يكبر ويانه
وجوهنه انترست مذمه
والطعن تارس گفانه
دورينه اشكثر عنك
وين مانلگه محنه
انگول متوضي اهنانه
دوم تمطر يم حضرتك
دوم مخبوص الضوه اموازه عله گبتك
وشلت بينه المحنه
صار فتره بلا زياره وگمنه نستغرب اهلنه
ياابو گلب التوم وي شيبات راسك
ياابو هيبه المطگت حلگ الخواچي
بمردي ندفعها المصايب
وانته تدفعها بعواچي
بيضه وي الله صلاتك
بينك وبينه تطيح بسكته دمعه
يامعلمنه عله عشگك
ألسبت ونصيح ربي هلبت ترجعه النه جمعه
وأحنه مالحگنه وكتك ولا سمعنه الصوت منك
(بس وحگك هذا چنك )
ومن گلتلك هذا چنك
أشرت بيدي عله گلبي
بالطفوله انه واحبك وشايل صورك بگلبي
وچنت ماجاوب بدرسي
سيدي بذاك النظام وصور كتالك بكتبي
اتذكر الحسره باابوي من رجع مخنوگه ريته
من رجع ويصيح مااات
ماااااااااات
مااات بس عاشت قضيته
سدد البيبان ابوي ويفرك اچفوف ولحيته
گتله بويه المات ياهو ؟؟
وگال ماضلت حياة
گتله شو مخنوگ صدرك
گال بويه الصدر مات
مات ابو العفيه التنومس الما يدگ عالخوف گلبه
الچان سالك درب حق ومو بجدمه
چان يمشي خطبه خطبه
چان من تخلص الجمعه بالسبت كل احنه غربه
حيدر العماري
رد مع اقتباس
