سلام الله على كل كَذله عر اقيه
سلام الله على كل كَذله عر اقيه
الوطن مانام حت نكول يحلم
وطن من سمه بين الله عرفنه الغير ماتنذم
وطن قمصانه لونه ابيض شمايكبر يلذكه الدم
وطن لو ماعمايمكم وحك شط العرب يلتم
وطن بي ريحته القداح
والبارود نفس العطر لوينشم
وطن ماسكت جرف الدم
وطن بي الشوارع فايضه من الناس
وطن كل اليشربونك خمر عصريه راحة راس
وطن موحلوه من نضحك تجي بيدك وتجفي الكاس
ولك بيك الخبز ينباس
ولك بيك الورد ينباس
ولك بيك الصور تنباس
وطن رغم الظلام البيك فرح عرسان لوتنجاس
وطن دمعك ندئ الغبشه ياجوري شكثر حساس
وطن بعيونك انت تشوف الرصاص بكلبي ضل ينام
وطن كل هذا مارديت عظم هدهد ورد محتام
وطن خرس منايرهم ولا تلام
وطن وعيون كل كحل عراقي وحزن بغداد
شمس نطلع على الظلام
وطن خرس منايرهم ولا تلام
وطن ياكلبي يمدلل تضحك للهوى يحاجيك
وطن ياشجارة البستك تبجي وكلبك مبجيك
عراقي وحزنك يدليك
ثوره بمنجل صويحب اذا دعياك
ثوره بفكره جيفارا اذا الكيك
وطن
سلام الله على كل كَذله عر اقيه تغني عليك
وسلام الله على كل شفه عراقيه تسوالف بيك
وسلام الله على كل شاعر يثور بساحة التحرير
طالب بيك
وسلام الله على كل غيمه ومطر تشرين سبيل
من العطش يرويك
لـ حسين عباس
رد مع اقتباس
