هنا

[فقار الكرخي]

يا عزيز إسوالفي الموسم حنين
والشوارع تمشي بيه
صوتك متانيني وين ؟
شلون ألوحه
بيا محطة شوگ أطيح

هذا چم موسم تَعده
وما گِلتلك آنا أحبّك ، چي شحيح
آخ مني
شگد أحبّك چي شحيح

إي يريح
فك تعب بيبان عمرك وإنزل بصدري إستريح
وفزز الظلمه بضوه
إمرافگ الحيطان يخنگ مرني يل كلك هوى

وگودني لدارك بخور
خاطر امن إتشمني أطيب
وأزغر بگد ما جبرني الشوگ أشيب

يا شگلك وانت أغلى امن الحبيب

ليش أصيرن طيفك وتعگبني ليل ؟
الماي يتلگه گمرته بكل نهر، فارش شليل
وانت ماچنّك نهر بايت بعيني
لانه باچيتك ولا راكـد حنينـي
مانه گد ماجيت تانيتك تجيني

وما إجيت
وسافر بلوني الربيع ومدري چم ديره مشيت
ساعه أدورك بعد موسم
ساعه أتاني شما بطيت
لاذت بعيني الدروب
ونامت و وحدي صحيت
ثاري حتى إدروبي مثلي، تطفه لو عني جزيت

وسچة التايه منيّة…
وثاري كل تابوت مر جدام ، اليه
كون ألم الظال منّك وألبد إبسد الإغنيه
المادري منين إتعَرفني شگد تسولفلي عليه

اليشبر بعينه الدرب محتام جيه
وانا هذا العوز البشوفي قديــم
امن أهد ما ردّيت بس إصوَر بديّه .


ايما صباح

[ســـــجـــــودي ﹩ʝ☹]

مبدع فقار

[انثى مخمليةة]

عاشت ايدك ..