معنى .. اللطف !! الحلقة ( ١ )
-اكو قاعدة عقلية يؤمن بيهه الشيعة الإمامية الاثناعشرية اسمهه "قاعدة اللطف" ..
-شتكول هاي القاعدة ؟
-هاي القاعدة تكول : انو الله يسوي شغلات للانسان المؤمن تخليه يميل إلى فعل الطاعة وترك المعصية ، بحيث يجعله أقرب إلى امتثال أوامر اللّه تعالى وأبعد عن ارتكاب نواهيه ..
- يعني اللطف هو أن يجبر الله الإنسان المؤمن على فعل الطاعة وترك المعصية ، هذا قصدك يافهيم ؟
-لا مو هيج ابو الشباب بس خن اخدمك : اكو شرط اساسي في اللطف وهو : أن لا يبلغ حدّ القهر والإلجاء ، بل يكون المكلَّف مع وجود هذا اللطف مختاراً في فعل الطاعة وترك المعصية ؛ يعني مجرد تشجيع من الله لفعل الطاعة وترك المعصية ، لاقضية جبر ولاهم يفرحون ..
-هاااااا ، زين وشنو الدليل على انو اللطف مو جبر ؟
-لانو "الاختيار" هو الشرط الأساسي للتكليف ؛ يعني الشخص اللي ماعنده اختيار ماراح يشمله التكليف ، فاذا وصل اللطف الى درجة الجبر للانسان فهذا الشي راح يكون مناقض للاختيار اللي هو شرط اساسي في التكليف مثل ماكولنه ، وبالتالي يشترط أن لا يبلغ اللطف حدّاً ينافي الاختيار ..
- يعني نكدر نكول : إنّ الهدف الأساسي من اللطف هو تقوية الدواعي إلى فعل الخير ، وتقوية الصوارف اللي تصرف الإنسان المؤمن عن فعل الشر ؟
-احسنت ؛ ولهذا يكون اللطف بمثابة التشجيع على فعل الخير ، وإزاحة العقبات أمام الإنسان، ليكون أقرب إلى فعل الطاعة ، والتنفير من فعل الشر ، وجعل العقبات أمام الإنسان ، ليكون أبعد عن فعل المعصية ..
والحمد لله
قاعدة للطف الحلقة الاولى
رد مع اقتباس
المشاركة الأصلية كتبت بواسطة فرانكشتاين
