الكعبه رفضت الحجاج!!-حسين الساعدي
وصايا وخوف
الكعبه رفضت الحجاج اجت ويه المنايه اطوف
كلها اتخاف من باجر.. ياهو اليبقه ويناظر ,,
وياهو البجفن ملفوف!
اجانه اسلاح ماينشاف بس هو العلينه ايشوف!
مارايد الكمامات ما رايد تغطي اجفوف,,
راد الامر بالمعروف!
بعد ماكو فخر بالناس ساواهم اصفوف اصفوف!!
الملك والخادم ابهل يوم كلها ابخانة المقصوف!
الكون الجان متحرر..هسه امأسر ومجتوف.
بعد محد اليتباهه ابقصره ومنصبه المخسوف!
تعقيم ولغينه العيد
شو حتى الدعاء ميفيد
باب التوبه أظن مغلوق خابت دعوة الملهوف!
وينه الجان يتباهه! ابجيشه الخارج المألوف!
الجان ايخوف ابهل ناس ! شو هسه خذاه الخوف!
المضيف الجان للمضياف هسه مايريد اضيوف!
واحدهم صفه مسجون مرعوب ابوجه مخطوف!
ابنادم للفرج يحتاج اشما يقتصد بالمصروف!
ماضل كل خبر مضموم كل شي واضح ومكشوف
لمن الملك
هذ اليوم!!!!
كل دستوركم باطل متعطل صفه ومرفوف!
كل اسلاحكم خلب اكبال البلأمل موصوف!
كل راياتكم نكست ورفت راية المعروف
رفة راية المعروف.
حسين االساعدي
رد مع اقتباس
المشاركة الأصلية كتبت بواسطة انثى مخمليةة
