لعيون الحبايب
من ضوء الروح
من شمس الذات
من صدك گلبي وعناوين القصايد
اهدي حلمي ..
للوطن ... للناس .. لعيون الحبايب
وانت كلهم !
من يطيح الليل واحلامك غميجه
ماتطفي الماي جمره
ومن تمر بيك العوافي يطول عمري
واعلك ارموشي شمع و وساده گمره
وردت اعذرك ...
والعشك نجمه بعيده وعين المحبين عثره
وليش اعذرك ؟
وانت شتلة خاطر وعطشان صبرك
لا لكيت ابمستحه الحبوك كطره ولا تصح غيمة وتمطرك
تذبل اكبالي واشب نار اعلى ورقه
اطفى سكته وعمري يندار اعلى عمرك
لاني عشت عيون شذره ولاصغت روحي اعلى اصبعك
ولاتصح ل الاه سچه وافتح عيوني واتبعك
امنيلي الحيل وانشدك
كون امد ايدي اعلى كلبك !!
كون امد ايدي اعلى گلبك والزم الحسره التوّجعك
وليش اعذرك
وانت كحلت السمه بتعبي وسماري ولاتعب وياي صبرك
وذاك چفك
عاند الحنه الغريبه وكتلي من جفك حلال
ونزلت دموعك تطفي شموع حلمك
من كلتلك ؟
ياثمرتي : ضوك غيري من السلال ؟
بغيري وازوك اشكثر بس ما شفتهم
وكتلك يضيعوك بالظلمه البعيده وكتلي اندل
وكتلي بس ضويلي عينك
اصعب اعلى اهلي وارد وياك واسهل
يازغير . الشيب وي عمرك كبر حسبته چذبه
ليله ليله وداعتك تغفه واحسبه
كاظم الركابي
رد مع اقتباس
