هنا

[ارجع يازمان]

توضيت ابدمعتي الماي مكطوع
لان ماعندي صاير مايجيني!
,
كلت خليني اصلي وانه موجوع
بلكي الله ابصلاتي وتغفه عيني!
,
ابأول سجود ابركعة الجوع
بطلت الحجي وصوتي ابونيني..
,
ماضايك الزاد وصارلي اسبوع
دخت بالدوخه هاي التعتنيني!
,
دعيت الله ابقنوتي ودمعي مرفوع
مابيه أرفع ايساري ويميني!
,
مدري اشكلت لله ابذيج الدموع
مفقود الوعي واهذي القريني!
,
والباب الشدهني ابصوت مسموع
ديان ويطالبني اعله ديني!
,
راد ابحقه هسه ايصير مدفوع
انطيته الصوبه والباب وطحيني!
,
طلب كل الغراض ورفضي ممنوع
بيت ابلا دفو ضل يحتويني,,
,
لو ينباع ابيعه وسعري مطبوع
ابخامة جفن وامشي اليقيني,
,
اخذ كلشي ومشه وخلاني مفجوع
بس عاف الدمع يبجي اعله عيني!
,
اشويه ولفاني ابغير موضوع
خطار الاجه ورايد حنيني,,
,
صاحالي جوعان ابجوعته ايلوع
طاح اكبالي كالالي اشتريني!
,
صَبرته بلكوه وكلبي مشلوع
نص ساعه الاكل بينك وبيني,,
,
طَلعت الكلب من بين الضلوع
وعجنته ابدمي وتخمر عجيني!
,
كلبي اليستوي ابنيران االشموع
لأنه امعطب ابجمرة ونيني,,
,
هاك اشوي الكلب ميذلك الجوع
خسئ الجوع ابكلمن يجيني!
خسئ الجوع وهلا ابكلمن يجيني!
حسين االساعدي

[انثى مخمليةة]

جميل،،

[ارجع يازمان]

------

[ارجع يازمان]

للاسف تم سرقت هذه القصيده وانشرت باسماء كثيره من الفاشلين ولكن سيحق الحق ومايصح الا الصحيح