الحكم على الآخرين .. في نظر هيوم !!
-قلنا سابقا أن الفيلسوف "ديفيد هيوم" يشوف انو الخير هو مايحقق اللذة ، والشر هو مايسبب الألم ، فالشخص يحكم على فعل من الأفعال بأنه خير إذا حققله لذة ، ويحكم عليه بأنه شر إذا سببله الم ، ليهنا واضح ؟
-واضح ؛ ولكن السؤال اللي يطرح نفسه ويتمرغل بالكاع هو : هذا الكلام فيما إذا كنا نحن من يقوم بهذا الفعل ؛ ولكن ماذا عن افعال الآخرين ؛ يعني شلون نكدر نحكم على افعال الآخرين بأنها خير او شر ، بالوقت اللي مو احنه جاي نقوم بهذا الفعل وإنما غيرنا هو اللي يقوم به ؟!
-سؤال وجيه ، وجوابه : احنه نكدر نحكم على افعال الآخرين بأنها خير او شر من خلال تخيل انفسنا في نفس الموقف اللي يمر بيه هذا الشخص الآخر ، وتخيل المشاعر اللي ممكن تصيبنا لو كنا في نفس هذا الموقف اللي يمر بيه هذا الشخص الغريب عنا ، فإذا كان شعورنا هو الزهو والفخر والثقة ، فمعنى هذا انو هذا الفعل هو خير ، واما إذا كان شعورنا هو الخجل والضعة والعار ، فمعنى هذا انو هذا الفعل هو شر ..
-مو واضح ؟!
-شوف : إذا طلعت حضرتك بالشارع بنص الليل وشفت شخص جاي يفتح بمحل ويريد يسرقه ، انت حط نفسك بمكان هذا الشخص وتخيل شنو شعورك لو جنت انت السارق ، فإذا شعرت بالفخر والاعتزاز والثقة والزهو ، فهذا معناه انو هذا الفعل هو خير وفضيلة ، واما إذا شعرت بالخجل والعار والضعة والذلة ، فهذا معناه انو هذا الفعل هو شر ورذيلة ، وبالتالي نحن تستطيع أن نحكم على افعال الآخرين بأنها خير او شر من خلال تخيل انفسنا في نفس الموقف اللي يعيشه الآخر ..
والحمد لله ..
فلسفة الاخلاق عن هيوم ( الحلقة الخامسة )
رد مع اقتباس
المشاركة الأصلية كتبت بواسطة يوليوس
