هنا

[قاسم البهادلي]

رجالات السياسة كلها واوية
باكونه الظهر ذوله الحرامية

احجي بعالي صوتي وليصير يصير
محضر للطلايب رايد التغيير
وما اطلب عذر لو خاني التعبير
اثبت قولي هذا 100%
وابقه الشوكة بعيون الحرامية

ما حجي بكره بس أحجي باستخفاف
مو احنه ابتلينا بناس مــــو أشراف
لا دستور كضهم لا تفيد أعــــــــراف
والقانون شافط ميه بالمية
تتوقع نتيجه من الحرامية

خل نحجي حجي وصدكَوني بالإنصاف
وما اذكر اسم خايف علي تنلاف
وتدرون البلد مو كامل الأوصاف
وباجر هم تجي دعوة قضائية
ومتسترة النزاهة عالحرامية

أريد اعرف حقيقة عدنه جم حواف
اشو كلها تصرح والحجي صفصاف
يمدح ربعه ويذم بحجي اللفاح
بس أحنه الشرف والغير عاريه
والله احنه بتلينة بهل حرامية

صايرلي شريف ويسرق أبضعاف
وكل عقد انعقد لازم اله ينضاف
بالمليار يحجي وبعد ما ينشاف
يصبح وي عدوه صافي النية
مو احنه ابتلينه بهل حرامية

بسم الدين يسرق والله خوش استاف
تجميل ولبس وتتباهى بالأوصاف
تعيين العرف لامن دره ولا شاف
المهم عندي حصانة وشارة حزبية
والله احنه بتلينة بهل حرامية

بساس اعوج بنوها وهم أول ساف
قانون المنافع مثل فوتو غراف
أموال البلد بكتوها بستخفاف
ماشفنه عدالة 10%
والله احنه بتلينة بهل حرامية

أصيح بعالي صوتي االحكم مو شفاف
تحزم عالفط وجتاف طك بجتاف
وين اهل النزاهة البعد ما تنشاف
يعني ثنينكم هم صافية النية
والله احنه بتلينة بهل حرامية

ولكم كل الود والاحترام
اخوكم
قاسم البهادلي

[هـآئِـم ۦٰ]

روعه سلمت يداك التي خطت هذه الكلمات الجميله
شكرا لك ورده

[ا لـٰٚـِْاء سـۛـۛـلـام]

عاشت ايدك ابدعت

[ســـــجـــــودي ﹩ʝ☹]

عاشت ايدك


كلش حلو

[أبن ألأشتر]

أصيح بعالي صوتي االحكم مو شفاف
تحزم عالفط وجتفاف طك بجتاف
هل ذول الكلمتين بالاحمر
هم كذا يقالوا ام خطأ املائي .
يمكن الصح عالنفط . وجتاف .
المهم .
لي بالرد عودة .
لازم اكررها واتغنى بها حتى يكون الرد بالشكل اللي تستحقه
لي
عودة ياشاعر العراق القادم
ان شاءالله

[سـمــيــر ..]

والله والنعم ...
وصف دقيق جداا ..
لكن للأسف هذه الكلمات تمنيتها حب وغزل هذا الترتيب والابداع لا يستحقونها لقد تعدو مرحلت الرذاله لو تركنا لهم جبال من الشعر ولكلمات الجارحه ..
ازاحو ماء الوجه لم يبقى لديهم اي غيره ..
لك مني كل الحب أخ قاسم

[124321]

شكرا لك ياذهب
ابدعت

[أبن ألأشتر]

صايرلي شريف ويسرق أبضعاف
وكل عقد انعقد لازم اله ينضاف
بالمليار يحجي وبعد ما ينشاف
يصبح وي عدوه صافي النية
مو احنه ابتلينه بهل حرامية
...............
هيّة اسمها قصيدة .
لكن انا اعتبرها قرار محكمة نهائي ويجب ان يأخذ به.
يعني من بعد جلسة .يجتمع بها مدعي عام وجمهور وحاكم عادل
فتنتهي القضية بهذا التقرير الخطير .والمناسب مية مية بحقهم .
لايهم .
انتهى الحكم بهذا الشكل ولكن لم ينفّذ .
والمهم هو انك تستحق شهادتنا على انك قارء للوضع بالشكل الصحيح .
وننتظر لربما تقع بين اعين مسؤول بينهم وينتفظ ويستغل مكانه ويسير نحو الهدف المنشود
ويحقق اويحاول ان يحقق الانصاف بيننا نحن الشعب الجريح .
وبالاخير .
نشكرك جميعا ايها المبدع المتألق الاستاذ قاسم البهادلي
لهذا النفح المعطر يحفظك الله ويرعاك
ويوفقك يارب .
تستحق شارة على صورتك الرمزية اوصورتك الحقيقية
لتكن شاعر مميز بمنتدانا الدرري المشرف
ولاتنسى فأننا نطمع ونطمح بأن نمر على الجديد الساخن من حضرتك الموقرة
تحياتي يامبدع
وفيت وكفيت

[زفير]

بالصميم يا صديقي
احسنت

[قاسم البهادلي]

روعه سلمت يداك التي خطت هذه الكلمات الجميله
شكرا لك ورده

شكرا لك اخي عباس العراقي
حياك الله