هنا

[فقار الكرخي]

الولايه سجن
والناس دم مكتول ماتنحب
وضوه اليوفون جان شحيح..
ضباب بليل ماينشاف المعتّب!
شدّه وجان بيها ايوب وحده بجرحه يتعذب
كبل لا اعصر اعيوني وابدي الناس واتغرب..
حجيت ذنوبهم ل الله
مشيت مغمض جفوني..
وكبل درب العمه بشبرين لكيتك واكف اسم الله
جف شفتك حدر كل عين شربت لونها الدمعه
ولكيتك اذن يم كل صوت باهت محد يسمعه
لكيتك يم اليدورونك مرايه
وبهوسة وجوه الناس واكف بالدرب رايه
يبو كلب الجبير اليوسع ولايه
امس جالك نهر عطشان..من رد فايض بمايه
يالشايل خلك مبعوث سلام اعله الخلك مامل؟
ويالجنك سوالف شوك ماتنكال تترتل
كون الناس مثلك جان ماصبّح كلب بارد
يالشايل كلب والد
ويالشايل محنة والدة واحد
مثوّب راحتك للناس بس بداخلك متعوب
جست كلبك لكيته ابيض.. لجن شايل صفار اغروب
جامعهم ،وانت وحيد.. طبعك مثل طبع البوب
دير حمولك لجتفي بعد بيه مجال وحيل
و وحدك لاتعيشه امتاع ،خل نتعاون اعله الليل
يالطبعك مثل طبعي..
نذرت جفوفي لعيونك يلمنشف درب دمعي.







ماجد السراي

[ســـــجـــــودي ﹩ʝ☹]

يسلمووا عمري فقار

[انثى مخمليةة]

يسلموو فقار