أعلنت الفنانة داليا البحيري من خلال منشور على حسابها الشخصي على "فيسبوك" إصابة زوجها بفيروس كورونا المستجد.
وكتبت البحيري في تعليقها: "أوك.. أنا هبدأ بألف حمد وشكر ليك يارب؛ لأن أنا عارفة ومتأكدة إن احنا عملنا اللي علينا وزيادة... حافظنا وقعدنا في البيت، وعقمنا وطهرنا، وشجبنا اللي نزل انطلق واتفسَّح... وأنا والحمدلله راضية جداً بقضاء ربنا سبحانه وتعالى... حسن جوزي وحبيبي طلع إيجابي كورونا ڤيروس...ربنا يشفيه ويعافيه يارب".
وتابعت: "احنا كلنا عملنا مسحات... أنا والأولاد، واللي بيساعدونا في البيت؛ عشان نطمن؛ لأننا كنا مخالطين لحسن... وبإذن الله نعرف النتيجة بكرة بليل... وربنا يجيب العواقب سليمة يارب".
وأكملت: "أنا بقول الكلام ده ليه؟؛ عشان أي حد لازم يعمل كده، لازم يقول، وبكل وضوح؛ عشان الناس اللي كانت مخالطة ليهم يعرفوا، ويطمنوا على نفسهم... لأن دي أمانة... والمرض مش حاجة الواحد يخجل منها... بشكر كل اللي اتكلم يطمن على حسن وعلينا، وآسفة إن إحنا مش ملاحقين نرد؛ عشان متكركبين، وبنشوف حنعمل إيه... دعواتكم لحسن بالشفاء العاجل، ودعواتكم لينا إننا نكون بخير، ألف شكر، وربنا يسلمكم جميعا، ويحفظكم من كل شر".
توالت التعليقات عبر حساب داليا البحيري ومواقع التواصل الاجتماعي، راجين من الله أن يشفي زوجها، ولكن من ناحية أخرى هاجمها البعض واعتبر أنّ ما حدث رسالة من الله لها، لما قالته في منشورها من قبل بعد هجومها على العمالة اليومية، وكانت قد كتبت عبر صفحتها الشخصية على "فيسبوك" من قبل أنها لا تقبل أن تبقى في منزلها وأن لا تجد وأهلها مكانا في المستشفيات لأن بعض الأشخاص خرجوا "للتفسح".
وأضافت البحيري، مطالبة الرئيس المصري عبد الفتاح السيسي بالتدخل: "حظر كامل يا ريس، لو سمحت أرجوك، واللي حيقولي العمالة اليومية حديله بالشبشب على بقه".
وتابع المنشور: خلينا صادقين مع نفسنا شوية كدة والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية. لحد دلوقتي ماشين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس".
واعتبر البعض أن التعبيرات التي استخدمت الممثلة لتوضيح موقفها حملت عبارات "مسيئة" للمصريين وللعمال الذين يكافحون يوميا أثناء أزمة تفشي فيروس كورونا المستجد.
-2.jpg)
رد مع اقتباس
.
