تحياتنا للشعب المصري
يدخل الزوج إلى البيت فيرى زوجته مكفهرة وغريبة الأطوار فيقول لها :
•- أزيك ؟
•- كويسة
•- أيه مالك في أيه؟
•- مافيش حاجة
•- لا.......... أزاي دا فيه .............وفيه
•- قلت لك مافيش......... يعني مافيش
•- أيه يا بت أنتِ هتسرحي بيه ، دا أنا عاجنك وخابزك.... بأديه دول
•- وأنت يهمك أيه؟ .......... ماهو كله عندك زي بعضه
•- ازاي بقى ؟
•- أصلك مانتش دريان بحاجة
•- ليه هو فيه أيه ؟
•- أختك تفيده
•- أختي ؟ مالها؟
•- جت أنهارده ، وقلبها علينا غم ونكد
•- جت هنا ؟ أزاي وأمته ؟
•- جت زي مابتجي كل الناس
•- أيوه يعني أزاي ؟
•- بالتاكسي ولا بالترماي
•- وأنا أعرف منين ؟ ، المهم جت وخلاص
•- أنتِ عبيطه يابت ولا بتستعبطي ، منا عارف أنها جت بالتاكسي ، أنا قصدي جت هنا تعمل أيه ؟
•- قالت : عايزه حقها
•- حقها في أيه ماتتكلمي مرة واحده يابت ، لازم أجرجرك في الكلام يعني ، خلاص كفاية ماتغلبنيش معاكِ
•- هقول هقول يا أخويه
•- طب خلصيني ، أصلك قلبتي دماغي
•- سلامة دماغك
•- يصرخ فيها بصوت عال : ( قولي وخلصيني )
•- مالك متعصب كده؟.......... روق وأستريح وأنت هتعرف كل حاجة
•- اللهم طولك يا روح
•- بتقوليلي أختك جت وقلبتها نكد وعايزاني أروق ، أنتِ أتهبلتي يابت ولا جرى لمخك حاجة
•- ليه قالولك أيه عني بضرب بانجو
•- بلا بانجو بلا زفت .........أنطقي وخلصيني أحسن أسيبلك البيت بالي فيه وأمشي
•- لا وأنت الصادق وهو في أيه في البيت؟ ،أوعى تفتكر أنها سرايا الخواجه
•- يوووووووووه دي عيشة نكد ، أنتِ جنسك أيه ياوليه خلصيني أحسن أدبحك
•- قولت لك جت عايزة حقها
•- حقها في أيه ياوليه؟
•- في الكام فدان بتوع الأرض
•- أرض؟
•- أيوه
•- أرض أيه؟؟؟؟؟؟
•- الي في البلد
•- بس الأرض مش باسمي ، ما أنتِ عارفه إنها باسم أبويه وهو لسه عايش ، لما يموت تجي تدور علي الحقوق .........مش دلوقتي
•- أنا قولت لها الكلام ده
•- وقالت أيه؟
•- قالت :الحج محمد هو الي فتح عينيها
•- فتح عنيها ....... أزاي؟
•- قال لها : إن أخوك ومراته بيستغفلوكِ
•- ومين الحج محمد ده ؟
•- صاحب الحمام الي في السوق
•- وده صاحب الحمام ولا مفتي الأزهر؟ ، تعالي قولي لي هي أيه الي وداها عنده، أوعى تكوني بتستحمى عنده اصله راجل عينه زايغة وبيبص علي الحريم من خرم الباب
•- وأنت أيه الي عرفك؟
يتلعثم ويلملم أزراره ويقول
•- ها ها........... لا بس سمعت كده
•- سمعت ولا شفت بعينك ؟!!!
•- هشوف أزاي ؟ أنتِ تفكري أني أعمل كدا؟ قلت لكِ سمعت وخلاص
•- على رأي المثل ( إن جالك القرد بيرقص طبله )
•- قرد أيه......... وطبل أيه........ أنتِ أتخبطي في نافوخك يا وليه ، قصدك أيه من الكلام دا ؟
•- لا ياخويه ماقصدش ، أنا سحبت كلامي
•- خلاص خلاص ، هي فين دلوقتي؟
•- هي مين؟
•- تفيده
•- مشيت
•- مشيت ؟!! راحت فين في ساعة زي دي؟
•- قالت : مستعجله علشان عندهم فرح بعد كام يوم
•- فرح ؟
•- أيوه
•- مين؟
•- أبنها برعي
•- برعي ....وهي مستعجله على قطع قلب الواد ليه
•- ليه بقى
•- ليه ازاي ، يعني عايزيه اتجيبلو وحده تاكل في نافوخو زي البارومه
•- قصدك ايه ؟
•- قصدي ده جواز مش لعبه ، مهي كده هتبقى زي الي بيرمى فلوسه في البير
•- واحنه مالنا وملها ، ميغورو في الستين داهية ولا يتحرقو بكاز
•- مالنه ازاي دي اختي يوليه
•- يعيني على رقة قلبك !!!
•- انت هتتمسرخي عليه ولا ايه
•- لاعيني وانت مين قدك ياشيخ
•- اهو منك ، انا نازل القهوة اضرب حجرين معسل
•- خلي بالك من صحتك ده العمر مش بعزقة
•- لا وانت الصادقه ، فتك بعافية
•- روح اشرب واتهنى ، ان شاء الله محد يحوووش
المشاركة الأصلية كتبت بواسطة خالد أبو زكى
راحة كرهتج .
