زين والله منج تكدرين تكتلين أبو بريصالمشاركة الأصلية كتبت بواسطة fairy touch
اول ما فتحت عيني ، دا اسمع همسات ( - اكو ابو بريص بالمطبخ
- ادري شفته من البارحة بالليل .
- شلون شنسوي ؟
- معليچ بيه .)
كان هذا الحوار الشيق بين بنتي و باباتها ...
و طبعا في اقل من ثانية طفرت للمطبخ ..و تم اجراء اللازم
و بعد قتال شديد ...استشهد الدخيل ...
آل معليچ بيه آل ...تهي پهي .
البارحة اكو تصريح لوزير الصحة العراقي .. مضمونه انه سبب ارتفاع الاصابات والوفيات بفايروس كوفيد19 هو عدم التزام المواطن باجراءات السلامة .
طبعا هذا السائد في تصريحات المسؤولين العراقيين ..
بس هذا بيه مغالطة كبيرة في القاء اللوم على المجتمع .. نعم هو سبب من الاسباب ولكنه ليس السبب الاساس
السبب الاساس هو فقدان الثقة بين المواطن وحكومته .. بالعادة الحكومة هي المسؤولة عن حفظ امن وصحة المواطن .. وهي المسؤولة عن ادراة شؤونه بالشكل اللي يحققله عيش كريم .. لكن الواقع يكول ان الحكومة تمارس اقسى انواع الغش والسرقة والسخف على مواطنيها.
اي والله كلامك صحيح
المواطن شنو اللي بيده
مانكول غير الله يكون بالعون وهو أرحم الراحمين بعباده
فات السيد الوزير ان يلقي اللوم على ادارة القطاع الصحي لـ 17 سنة .. واللي تناوبوا عليها اسماء مقدسة بينها وبين السماء شبر اذا مو اقل .. من دكتور صالح الحسناوي الى بت الحشد واللي ما بنوا خلال كل الفترة مستشفى واحد محترم .. او على الاقل توفير ادنى مستلزمات المستشفيات الموجودة هسة .
اعظم منجزات وزراء الصحة هي تبديل اسماء المشافي العراقية في الجنوب .. واللي صارت كلها لو باسم السيد الصدر لو باسم السيد الحكيم لو باسماء الائمة .. واللي غفلوا عنه او تغافلوه انها اهانة لكل هذه الاسماء لأن ما من المعقول ان تطلقها على بنايات خربة لا تستوفي ادنى معايير السلامة الصحية اللي من المفروض ان تتوخاها الوزراة باعتبارها المسؤولة عن صحة المواطن ..
وعلى سالفة امي الله يرحمها ... هي مستشفيات صدام هاي... منو الباع حجل امه وبنى مستشفى ؟؟؟
السيد الوزير الحالي .. جان مدير دائرة مدينة الطب .. لو كان عدنة دولة تحترم نفسها جان سألوه قبل ما يصير وزير شنو انجازاته بهالمدينة الطيبة ؟
وبهذا الصدد .. جان عدنا مدرس بكل حياته العملية والتربوية ما وصلت نسبة النجاح بدرسه الى 10% .. وبكل حياته العملية ما اسسله وطن ولهسة كاعد بالايجار .. وخير اولاده يدفع عربانة بعلوة المخضر ... بين يوم وليلة صار مدير مدرسة ... وعيونكم لا اتشوف الحالة !!
وبهالمناسبة العظيمة احب اهدي للسيد الوزير ولمدير المدرسة قصيدة
عذرن للئطالة
المواطن ضحية ... وهو مستانس بهالوصف
