ترا هيه الجكَاير ماتسبب موت
وي ماسلمت وي ساعة المغرب
عتني الشوكَ الك وبكلشي ماحسب
شماريد ابعدنك تضل دوم وياي
هدم وي جلدي ماعايفني ومجلب
وترا هيه الجكَاير ماتسبب موت
يطفح بيك شوگ وموتك يسبب
مثل دورت الرحه الوجع بية اندار
ونيران البعد حدر الضلوع تشب
عشريني كضن ماشفت راحة بال
ابشرك حته ابوي بوجهي مستغرب
وادم جنت اضنهم دركَه طلعو سيف
اليندل الجرح مايعرف يطيب
مو بس الكبر بالعمر يغزيه شيب
بنادم يلجم بعزاز ويشــــيب
منهد ماغاب وجهك غاب عني الخير
الضيم ادنه ليه ووجهك يغرب
ياسجه التلمنا وبيها ملكَه يصير
كَدما انتظر صار الوجه مترب
"وبقينا اثنينا" انا وحمد منتضرين
حمد نام وكَعد ويشوفني محدب
حلم ضليت ارسمك فوگ وجه الماي
جا انا شكَد غشيم وهيج كَمت اكتب
تعال بداعتي شراع السفينه تريد
والملاح غلطان شكَد ومذنب
تانيتك قراية فاتحة مرحوم
ثواب هواي بأسمك من تمر اخطب
بخيل ارد اصبح وحته العذر مذموم
احتارينا وشبع ذم هسه المعزب
سالم هاشم
رد مع اقتباس
