هنا

[فقار الكرخي]

زوجة شهيد تقف عند قبر زوجها وتقول

فاهيه بدونك حياتي
عكبك اتمنى مماتي


شماله مستعجل خذك مني الكبر
موش يعكوب اني واتحمل صبر
وعلي بغيابك ركض بيه العمر
منالفجر اتنطرك حد الفجر

ماتت اوياك امنياتي
فاهيه بدونك حياتي

كوم مشتاكتلك بكد الهوه
كوم خل نرجع على عيالك سوه
نجرح كلبي وانته بس ترهم دوه
مرورت افراگك امر من اكهوه

اوياك دفنو ذكرياتي
فاهيه بدونك حياتي

ما اريد اعليك اعض اصبع ندم
فاهي راس العركه اذا ما بيها دم
انته شتضن كلبي بفراكك سلم
لان ردتك ليه حبيته العلم

ودنكت من مستحاتي
فاهيه بدونك حياتي

اعيونك الحلوات خربها اللحد
وانته من طولك يغار شكد ورد
ايست منك لان ماضن ترد
فدوه اروح الاسمك واسم الحشد

ماضن اتردك غلاتي
فاهيه بدونك حياتي








علي ياسين اللامي

[علي الواسطي]

كلمات رائعه نعجز عن وصف الموقف

الله يرحم كل شهيد ويصبر اهله واحبابه
حيل صعب الموقف

[انثى مخمليةة]

روعـة

احسنت النشر

[Suzana]

مؤثرة..شكرا فقار