وانه ثورة وعاشك يغني
مره مره
أشتاك للمرسى اليلم أخ النواعي
أشتاك لليل التبده بحظن في
أجفوف ساعي
وأنتفض وتشب قناديل المناير
شراودك وأنته بحجلهه
شتعب الريح بكذلهه
الثوره ممتده بطفولة كاع
والبذره التعسر عشك ينزف
وانه ثورة وعاشك يغني اعله كاعي
مره مره
أشتاك للنجمه التودعك
للمسامر للسكر للنشد
للطيش اليضم روحه بمتاعي
أشتاك للماي ألغفه
من جست شطك وانته واعي
وانتشيت ووعيك ايزف الظفاير
غني غني وفض خجلهه
واسأل عيونك شكلهه
الشوك متوازي برفيف الاخ
والديره التهاجر ماتشور
وانه عثره وحيل تتوجه اعله كاعي
غسان عادل
رد مع اقتباس
