حاجيني مشتاكه الدفو مسامرك
حاجيني مشتاكه الدفو مسامرك
خليني اشبكك واستفز الحرب
هو انته ابن حيدر بعد يارمح
يتخوصر براسك علي بالدرب
يا زمزم الزهراء يمي انجفي
بويه انته جنك ماي لا تنشرب
عالخشب رسمو عيسى بس مادروا
خنصرك هذا العل خشب ينصلب
افتح عيونك بويه… لا تنشده
باوع متوني شسوه بيها الضرب
اني العزيزه الضاعت بغيبتك
والغربه شمرتني اعله وادم غرب
راح انطي ترجيتي وارد خنصرك
تدريني ماعز شوفي اذا انطلب
كل كتر بيك يدك اعرفك ترف
هو اني اشوفك يابو الاكبر گلب
اعتب عليمن هو لو يستحي
جا لمك وردك اليه الترب
جفهم مسح من خدي اثر بوستك
وعمتي صعدوها اعله هزل غصب
بس وسترنه الماتلطخ ابد
اتمنيت اصيرن زلمه بالطف اهد
وشلع ثنايا العلكمي امنرتجز
و مو ماي يم اخيامي اطشن ورد
اي والا اخلي اتصيح كل كربله
يحسين كلي مخلف شكد ولد
اقره اعله خيمة زينب الزلزله
واعله العطش راح اقره بويه الحمد
جا طبو الطف زلم ترس الجلد
وراح افتخر بيهم اذا انشد
واتفصلو لخيام زينب خييم
وعوجيه للسجاد صار الحشد
م
رد مع اقتباس
