هنا

[ملك الحب والعراق]

رفع جفه الرسول اوصاح باعلى الصوت
اومنگد مارفعهه اردانه شمرهه

لقه الحجه عليهم لان يعرف زين
باجر بس يروح البعض ينكرهه

گلهم هذا بعدي النصبه الرحمن
هذا البلنزال اجيوش قاهرهه

علي راعي اليتامه اوناصر المظلوم
علي الطر المنايه المحد ايطرهه

علي الرد الشمس من فاته فرض الدين
علي الطلگ الدنيه اوطلب آخرهه

ذوالفقار سيفك جنه ملك الموت
من ينسل يگرب يوم محشرهه

اومهرتك بالحرب ماتمشي فوگ الگاع
على روس الزلم دگت حوافرهه

الولايه الغير شخصك سيدي متلوگ
غيرك يافحل ياهو اليدبرهه

اولو عادو البيعه اوغيرك اينصبون
اورادو للولايه شخص يشغرهه

مالازم علي نختار ابو الحسنين
وذا هم عارضو نختار حيدرهه

قالع باب خيبر مثل هاي الناس؟
اوياعاقل يساوي اترابهه ابدرهه

ماواحد قبل بفراش طه اينام
من هدت قريش اوبيتت شرهه

دگ صدره الفتى الماجاوز العشرين
علي من زغر سنه الروح ناذرهه

صيح ابعلو حسك بسمه هذا اليوم
من تذكر علي اشفافك تعطرهه

اوعلگ صورته اوخليهه ترس العين
تره شوفة على صحي النواظرهه

اجينه انبايعك ياسيدي اومولاي
بيعه اوكل سنه انجدد مآثرهه


للمبدع يحيى العلاق

[Daleen]

نقل رائع ومميز في اختيارك للكلمات
شكراااا الك

[علي الواسطي]

اذا مالازم علي نختار ابو الحسنين ...
وذا هم عارضــــــوا نختــار حيــــدره ...
قصيدة روعة يسلموووووو

[الصديق]

شكرا لك اخي العزيز قصديدة رائعة جدا
تحياتي لك

[جَنـوبـيـة♡]

ياعلي

الحَمْدُ للهِ الَّذِي جَعَلَنا مِنَ المُتَمَسِّكِينَ بِولايَةِ أَمِيرِ المُؤْمِنِينَ علي بن أبي طالب عليه السَّلامُ.