شنـهي فلمك...؟
.
شنـهي فلمك...؟
ياهوة يجـي يلجمـك
مو هدهد ولاكـن رادوا يضيعوك
گالوا يمشـي فوگ الماي لمن ينشمر عظمك
سگوه وخضر ولايـة
غشيم الآمس طـم اسمك
هذاك انته غريب الطور
فهمـت الناس كلها و محـد يفهمك
انطش عمرك عطر وانزعت القمصان
العتگت ما ترد والنـاس تشتمك
وما دامك نبوتي أمن الصعب ترتاح
دورلك كهـف من ناسك يضمك
چانت طيبتـك غلطـة...!
گتلك سمي من تشوف ناس وجوهـم سنطـة
چانت طيبتك تمشي بـ نهر دمك
ذم روحك...
أذا ذميت روحك محـد يذمك
ليش...؟
أنته أعلى كل شباچ حـط نجمك
ليش...؟
أنته گمر والغيم من يعگبك يثلمك
سجاد التميمي
رد مع اقتباس