الغيمـة حبـلـة ومـا رضت فــوگـي تجيـب
شـلون اهلنـا..
والله مشـتاگ لاهلنا
والله مـاملثـوگـة اهلنـا
الحيـاطين التشـور منين مـا تحضنـهـة حنـة
وين اهلنا
بلا مجـاذيـف البلم تابوت چنــة
أسـتغربو لــوني وصـوركم
وگفـت بشـباچ عيني
والبيـوت اليمي غـربـة
ماكــو باب اليشتهيني
مـالي وي كل طـين موعـد
وسـاعتي مالها داعــي
دورت تفــاحة آدم
ارد اطيــح بحضـن گــاعـي
يا دللول اشتهيـتك..
من هـذيـچ الكـبرتنـة اعلـة النعـاوي
ذيـچ التفـطر سـلنـة من تــون محمـداوي
ومـاحچـيت وسـولفت بيه الملامـح
المــاي سـاكت يفضـح البيــر الحـبل
نعيـش غـربـة
نمـوت غـربـة
وانـه ادري اليـم عـلي مـاينـدفـن گــبرة نـزل
النـاس مـابيهــة اليشمنـي
كلشـي يعـرفنـي غــريب
الغيمـة حبـلـة ومـا رضت فــوگـي تجيـب
وين اطـيح ؟
الجنـايز ...
تثگـل بچـتف الغـريب
سجاد التميمي
رد مع اقتباس
