هنا

[Ḑ̴̛̙̞̠͉̺̆̃̓̔̈́͗͒Ė̶͆̌]

طول عمري اسمع الوالد الله يرحمة ويغفرلة يردد المثل (كل مذخور نافع الا مذخور السوء) وما يوم فكرت افسر المثل او حتة اسئل والدي عن معناة
قبل اسبوع كنت ارتب بمخزن البيت وكان اكو صناديك بلاستك من هاي الي يسوقون بيهة الفواكة والخضروات وبيهة بطالة بلاستك فارغة مال ببسي
وصندوك بي قناني ماء فارغة ..جمعت الصناديق ورحت حتة احركهن جمعتهن بمكان منعزل ورة البيت ورحت اجيب نفط وقداحة حتة احركهن رجعت مالكيت الصناديك ولا البطالة الفارغة!!
بسم الله وين راحوو!!؟؟
سئلت زوجتي كالت اني لكيتهن برة ورجعتهن للمخزن
ماتعرف احنة نحتاجهن ؟؟
سئلتهة ليش وشتسوون بيهن ؟؟
فتحت باب المجمدة ولكيتهة مليانة بطالة دبس والقناني الزغيرة مال المي حاطين بيهة بامية
تذكرت المثل مال الوالد الله يرحمة
كل مذخور نافع ..الا مذخور السوء
صدك ابو المثل ما خلة شي وما كالة .

[Haidar Iraq]

بعد لاتسويهه .. ( خوش ) ..
هاي المره امسامحينك ..
وهمزين ماحرگتهن ..

[ســـــجـــــودي ﹩ʝ☹]

الله يرحمة ويجعل مثواه الجنة

وفعلاً كل مذخور نافع الا مذخور السوه

[124321]

الله يرحمه

فعلا عزيزي مثل يحمل عبره مفيده للاجيال
شكرا لمشاركتنا القصه

[Ḑ̴̛̙̞̠͉̺̆̃̓̔̈́͗͒Ė̶͆̌]

بعد لاتسويهه .. ( خوش ) ..
هاي المره امسامحينك ..
وهمزين ماحرگتهن ..

اي ياخوية بعدلي خبزة بالدنية

[Ḑ̴̛̙̞̠͉̺̆̃̓̔̈́͗͒Ė̶͆̌]

الله يرحمه

فعلا عزيزي مثل يحمل عبره مفيده للاجيال
شكرا لمشاركتنا القصه

ويرحم امواتك
الشكر لتواجدك

[Ḑ̴̛̙̞̠͉̺̆̃̓̔̈́͗͒Ė̶͆̌]

الله يرحمة ويجعل مثواه الجنة

وفعلاً كل مذخور نافع الا مذخور السوه

اللهم امين
ويرحم امواتك وكل اموات المسلمين
شكرا لتواجدك وردة

[Suzana]

الله يرحمه وعاشت ايديها
هي هاي النسوان .. معدله وتعرف كل التفاصيل المهمة بالبيت ..

[ابن الوطن]

طيب الله ثراه وادخله فسيح جناتة.…

[Ḑ̴̛̙̞̠͉̺̆̃̓̔̈́͗͒Ė̶͆̌]

الله يرحمه وعاشت ايديها
هي هاي النسوان .. معدله وتعرف كل التفاصيل المهمة بالبيت ..

ويرحم امواتج
اذا شافت التعليق بعد شيخلصني
هوة اني زين طلعت سلامات
شكرا للتواجد