سالفــة العطار ..
أكو واحد عطار يجي بالبلم يفتر على السلف يبيع تمر ورمّان وهلاشياء الما موجوده بالريف . يقايضهم كيلو تمر بخمس كيلوات تمن عنبر لان گبل فلوس ماكو فيشترون بالمقايضه ...
عاد كلما يجي للسلف ينزل ببيت رجال چبير السلف يذبحله الديچ وتمن عنبر مطبك بالدهن الحر وتلتم الوادم واخونه يلفط. وعنده ولد يبيع ما يطلع من البلم يخاف يبوگون الرمان ..عاد مره اجاهم و چان ما عدهم شي اهل البيت گامو وذبحو الديچ والمره لهوجت العشه وقدمته الهم وضلو جهالهه بدون عشه گالتلهم نامو يمه عيب من الخطار تبچون .
لكن عندهه ولد شيطان گال الصاحبه ولك هذا يوميه يجينه
وما يوم ذبلنه كيلو رمان بس يلفط ويروح خلّي نسوي بيه دگه كون ما ينساهه ... گال الصاحبه روح جيبلي مطّال مكرم السامع كون بعده ما يابس ما يوج بسرعه عاد جاب المطال وشعله وضل ينفخ والدخان گبّر بالبلم لان البلم چان مغطّه مو مكشوف
عاد كلما الولد ابو البلم يختنك )
يطلّع راسه من الغطه صاحبنه يبوگله جم رمانه ...
ثاني يوم ابو المضيف گال المرته ولچ هذا ابو البلم ما نطاكم رمان گالتله لا ولله يبو فلان بس يلفط الديچ ويمسح بذيال الفراش..
عاد اجه الولد گله بويه انطيني الامان گله گول گله البارحه هيچ سويت ....خنگت البياع بالدخان وبگتلي چم رمانه وجبتهن لخوتي لان نمنه بدون عشه
...
شاهد سالفتنه ...
هسه احنه منين انجيب النه واحد يسويلنه دخانه تعمي عيون الحراميه
بلكي نرجع شويه من فليساتنه الباگوهن ...!!
هيه تفيد وياهم دخانه هنه وحده اثنين من فلك الفلكهم اي والله على هايه الدكه الناقصه ولكم تعبنا ....
منين اجيب الخايف الله
وبيه اشد للشوف رايه
الدنيا وكحة عين والوادم عرايه
السكته تكتل والحچي يزعل عرب
اليشتري الچلمه من امس هدالمضيف
وحطله خيمه وصفگ بحي الطرب
لمتابعيني اجمل تحيه صباحيه
رد مع اقتباس
