ابراج اليوم الخميس 11 يونيو 2020 ماغي فرح
ابراج اليوم الخميس 11 يونيو 2020 ماغي فرح
كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم
القمر بكمل بالدلو الهوائي كوكبه اورانوس والساعة 11:15 صباحاً بينتقل لبرج الحوت..
توقعات برج الحمل اليوم الخميس 11 يونيو 2020 ماغي فرح
الحمل ♈
مهنياً:يوم متقلب باجواء حلوة ولقاءات ومال بيشغلك وعلاقات مهمة .. في ضغط عندك بشغل والبعض بفكر بنقل او ناطر شي هالفترة لا تخلي تفكير ياخد اغلب وقتك وحاول لا تجازف بشي وانطر لتوصل لشي لبدك ياه .. بعد ضهر بتكون الاجواء حلوة بعلاقات ناجحة وناس جديدة وتتطورات اجتماعية وسهرة حلوة ومميزة بين رفقاتك واهلك..
عاطفياً:لاتزعل على شي راح وكلشي بوقتو حلو .. فيك تبلش من جديد رغم نفاق وكنت مخدوع من اشخاص دخلت حياتك ومابتستاهل .. بدعيك تفكر منيح بأي علاقة جديدة او تفكر بأيجابية وبلاخص انو ناس كتير ممكن تسببلك مشاكل وحسد .. أستغل هاليوم اذا بدك تتجاوز هاشي وتحط نقاط على الحروف وصداقات بتكتر وشخص بيتقرب منك ..
صحياً:مهم كتير انك تنتبه على صحتك هالفترة حتى لا ترجع مشاكل صحية قديمة ..
غنيتك اليوم:لو كنت غالي...هاني شاكر
توقعات برج الثور اليوم الخميس 11 يونيو 2020 ماغي فرح
الثور ♉
مهنياً:بحاجة لحلول سريعة توتر وضغط ومانك مرتاح امور بشغل وبعلاقاتك بتعبك وبحاجة لتحافظ على مبادئك وسمعتك .. فتح عيونك كتير منيح بهاليوم ونتبه لكل كلمة لان رح تكون مسؤول عن كلامك يعني فكر بكل خطوة ممكن تقدم عليها يوم مهم بيحتاج يكون عندك معلومات كافية لتوصل لنتائج مرضية .. بعدا لعيون مفتحة عليك لهيك الحذر واجب من ناس حولك كون مساير وبلكلمة الحلوة بتاخد لبدك ياه لمهم تبعد عن الالتباسات والمشاكل وبلاخص مع المسؤولين والاشخاص المهمة ومحيطك العائلي ...
عاطفياً:مو مرتاح بنهارك وبعد ضهر تطورات ايجابية .
نتبه من اي علاقة مارح تجيب نتيجة والوضع مو مريحك .. مافي شي مالو حل بس لازم تتعامل مع المجريات بهدوء وبدون توتر وبلاخص مع الشريك واذا في شي زاعجك او ناس عم تحاول تأثر على العلاقة فيك تنتبه من هاشي وتاخد الحذر .. تعامل بهدوء وحكمة ولاجواء المسا بتوقع رح تتغير للافضل ورح يكون في تجاذب وعلاقة حميمية وتواصل مع شريك اما قديم او مصالحات مع شريك حالي..
صحياً:لازم تطلع وتغير جو ولا تستسلم للامراض ومارس الرياضة بشكل يومي ونشالله تحسن صحي ببلش .
غنيتك اليوم:عايش حالة .. وائل كفوري
توقعات برج الجوزاء اليوم الخميس 11 يونيو 2020 ماغي فرح
الجوزاء ♊
مهنياً:من الايام داعمة الك وبلاخص بالاتصالات ولقاءات مهمة او سفر قصير وخبر منيح لاكن لابد من ان تحسم خياراتك وتقرر عم تفكر بموضوع جديد هاشي ممكن ياخدك الي منعطف مهم بوضعك المهني سواء بشغل او شراكة او دراسة وحلول لقصص قضائية ومالية .. خبر حلو اتصالات ناس جديدة وبتطلع من الروتين الممل وبتبلش من جديد يوم بتتحسن في المعطيات حاول تستغلوا بعد ضهر اجتماعي بتكون وشعبيتك زايدة وعزائم..
عاطفياً:حليان وجذاب والفلك بيدعمك بأخبار حلوة وبخليك تعيش حالة مميزة بهاليوم لكن بدك تبذل جهد بتقارب وتصحيح وجهات نظر هاشي بساعدك كتير لتقضي وقت حلو ورومنسي باتصال او لقاء .. بعد ضهر لا تخلي شي يلبكك وكون جاهز لاي تغيير يطرأ وبعد عن الاستفزاز..
صحياً:قد تعاني من مشاكل الفقرات عليك ان تبحث سبل علاج ذلك مع طبيب جيد والألتزام بتعليماته..
غنيتك اليوم:خدني ليك ولعينيك .. وائل كفوري
توقعات برج السرطان اليوم الخميس 11 يونيو 2020 ماغي فرح
السرطان ♋
مهنياً:من الايام داعمة الك لتوصل وتنجح وتحقق نجاح مهني ومالي وبأزالة بعض العقبات القضائية والعقارية وبعض الالتزامات وشراكات التي كانت موجودة وبلاخص اليوم بخفف ضغط عنك وبترتاح نسبيا ً.. فرصة مهمة كتير لتحصل على تحسن مالي هالفترة بس شرط تعرف كيف تتعامل مع اي شي ممكن يكون بأيدك لترتاح من ضغوط وتسديد نفقات وديون .. انت افضل ويوم في تحسن تدريجي مهم من ضهر سفر قصير واتصال مهم والقادم افضل نشالله لاخبار حلوة ..
عاطفياً:حب جديد والمرتبط تطور عاطفي .. حاول تتقرب وتبادر بعواطفك تجاه الشريك .. بادر لتكون حدو ولتقضي وقت حلو معو وتكتشف المشاعر والعواطف الي جواتو وانت كتير عاطفتك عم تكبر بهاليوم لهيك بدي منك تستغل هاشي ولا تخلي الوضع على ماهو عليه حتى تتحسن امورك ويصير مصالحة المسا بتتحسن الامور والاجواء افضل للقاء واتصال او لتطلع بصحبة الشريك ..
صحياً:لا تخلي المشاغل الاخرى تبعدك عن ممارسة رياضة وخصص وقت كافي لذلك ..
غنيتك اليوم:شو بيشبهك تشرين...معين شريف
توقعات برج الاسد اليوم الخميس 11 يونيو 2020 ماغي فرح
الأسد ♌
مهنياً:شراكات بنهارك عاطفية ومهنية واتفاق وعندك مال وحلول من ضهر .. تعب وارهاق بنهارك بروح مع هاليوم بدي منك تنتبه من كلام ناس ومن دخول بمشاكل مع اي حدا ان كان بشغلك او ضمن عيلتك وناس المحيطة فيك ونتبه من بعض الحساسيات والمواجهات حاول تبتعد عنها وخلص شغلك ضروري بس واي مسألة مهنية او شراكة كون دقيق فيها روق لنخلص هاليوم المتعب وتحسن من بعد ضهر باتصال او شي جديد لشغل وعلاقات افضل ومال وميراث وتسديد نفقات وديون وفواتير ..
عاطفياً:علاقات وشراكة والقلب بدق من جديد واذا مرتبط نتبهلي هاليوم بس .. برغم من كلشي عم تعملو كرمال الشريك لتخلي الوضع احسن بينك وبينو هو مدري ماعم يقدر او في تراخي ولا عم يحترم هاشي وهو حتى بتحسو ناطرك على غلط بس ليعمل مشكلة ويزعجك وانت بدورك خفف استفزاز .. بدي منك لا تهتم للكلام ولا تاخد اي قرار حاسم روق وكلشي الو حل رغم صعوبات .. لاجواء المسا افضل وتتطورات بعلاقتك وممكن مشوار او لقاء واتصال عاطفي حميمي ..
صحياً:انت بوضع افضل لتفكر بصحتك وتعطيها طاقة والعزيمة ولا تأجل او تهمل شي بخص صحتك ابداً امورك هلق منيحة فكر براحة والاستجمام ..
غنيتك اليوم:انا مريضة اهتمام..اليسا
توقعات برج العذراء اليوم الخميس 11 يونيو 2020 ماغي فرح
العذراء ♍
مهنياً:خلص ضروري بنهارك ومن ضهر مرتاح واجواء عائلية واجتماعية وراحة .. انت شخص ذكي وبتعرف تستغل الفرص ومهما تعرضت لضغوط هاشي لصالحك لانو اي انجاز بدون تعب صعب يصير وبلاخص اذا بدك تحقق مكاسب مالية .. نظم امورك ورتب بيتك المالي وشوف شو الك وشو عليك لحتى تلاقي نتائج قريبة وتبلش بشي جديد لا تحسم شي بفترة صبح واجل لبعد ضهر لانك افضل اجتماعياً وعلاقات وممكن مشوار وحكي بقصص شراكة او ممكن تجهز لشي افضل عندك رنة هاتف مميزة مواعيد واتفاق وبتشوف ناس بتحبا وعزيمة ..
عاطفياً:علاقات متوترة حاول تبعد عن المشاكل مهما كانت تصرفات الشريك زاعجتك .. عم تعاني من فتور بالعلاقة او روتين يومي يعني الاحداث بتشبه بعضها وماعم تلاقي شي يريح قلبك ويسعدك وانت كتير بحاجة لحدا يكون بحدك ويفهم شو بدك .. اليوم منيح اذا حابب تتجاوز بعض تشنجات وتساؤلات وتفتح صفحة جديدة بعلاقتك او لتلاقي شخص صريح وصادق معك ويكون بيستاهلك وهاشي ببلش من المسا لتعيش اجواء رومنسية بصحبة الشريك او لتدخل بشراكة عاطفية جديدة ..
صحياً:أنتبه من تعب والارهاق بشغلك ولا تضغط على حالك او تحرك شي ثقيل الوزن .
غنيتك اليوم:غرامك غير وحبك غير .. حسين الجسمي
توقعات برج الميزان اليوم الخميس 11 يونيو 2020 ماغي فرح
الميزان ♎
مهنياً:يومك في عاطفة ومال ومن ضهر شغل وصحة .. افكار جديدة وتتطورات بأمور مهنية ونفسية وبلاخص اذا ناطر حدا مهم او شي مهم او حوالة وبنوك .. وفيك تدخل بصلب اي موضوع حابب انو يتوضح قدامك بعد حيرة وتردد كانت موجودة لهيك لا تغامر بشي اذا مو متأكد منو منيح .. فرصة حلوة بيومك استغلها لصالحك وبدي منك اي شي مهم تعملو بنهارك افضل الك وتنظم وقتك بشكل كتير منيح اجواء حلوة لقاءات ومشوار حلو بس نتبهلي على وضع صحي او حدا بعيلتك المسا ..
عاطفياً:جذاب وحليان رغم تعب الي جواتك .. الحظ بساعدك بهاليوم بلقاء واجواء مميزة او مشوار حلو وممكن بتشوف شخص بعد غيبة .. بس المسا بدي منك تنتبه على علاقتك من اي توتر او سوء تفاهم مهما كان صغير خشية الوقوع بالمحظور رغم انك حاسس بضغوط او احساس جواتك عم يخليك قلق وثقة فيها زعزعة ..
صحياً:ريح حالة من ضغوط على الاصعدة الاخرى ونتبه على صحتك من اي عارض وريح بالك وتفكيرك بمكان ترفيهي احتمال حدوث وعكة صحية نتبه المسا.
غنيتك اليوم:ولسه بتحبو ياقلبي...عمر دياب
توقعات برج العقرب اليوم الخميس 11 يونيو 2020 ماغي فرح
العقرب ♏
مهنياً:امور عائلية بيومك ولقاءات وزيارات وعزائم وقصص منزل وتدريجي افضل انت .. لوضع محتاج هدوء ورواق وبدون اي تسرع او تزيد ضغط عليك وقصة حدا من اهلك ممكن تشغلك مانك مرتاح سبب انو الحلول ضعيفة بين ايدك والحظ ماعم يدعمك ممكن كمان عم تفكر بنقل لبيتك او مكان شغلك.. ضهر افضل انت لتتلقى انفراج بقضية معينة وتلاقي حلول لمشاكل مالية وعقود .. لاجواء افضل وتحسن تدريجي ببلش من ضهر ..
عاطفياً:روق بنهارك وحب وغزل ومغامرة عاطفية لمسا .. بدي منك تهدي حالك ومو كل شغلة نعمل من الحبة قبة عم تعارض الشريك بأمور او يمكن مافي شي عاجبك .. بدي منك تفكر بحلول وتبدي انفتاح بنقاشاتك وبأرائك وتكون سلس بمعاملتك مابدي منك تكبر الامور اكتر من هيك..كلشي بيتحسن بس روق والمسا ممكن تبلش لامور تحسن معك بلقاء واتصالات واجواء حلوة على الاقل لتحقق غايتك ولاعزب لقلب بدق من جديد ..
صحياً:حاول لا تبقى لحالك بهاليوم وتتخلص من بعض الهموم عليك بالمشي مع ناس بتحبن وايجابيين ..
غنيتك اليوم:مشتاق كتير .. وائل كفوري
توقعات برج القوس اليوم الخميس 11 يونيو 2020 ماغي فرح
القوس ♐
مهنياً:تنقلات وممكن سفر قصير واوراق كتيرة بيومك والحظ بساعدك .. حاول تلتزم وتعطي رأيك بسرعة ولا تماطل بقصد او عن غير قصد ممكن ناطر جواب على شي عرض او دعوة او عمل فاحاول انت تتفاعل مع القصة ولا تحتار بشي .. لقاء حلو واوقات منيحة بتقضيا اليوم افكارك غنية وسلسة واذا ناوي سفر فيك كمان تسافر او اذا عندك قصة عقار بيع او شراء او نقل .. بعد ضهر بتشغلك قصة بتخص امور المنزل و والوضع العائلي خلص امورك اليوم حتى ماتكون مضغوط ومحتار وخبر بخص العيلة ..
عاطفياً:الحظ بيدعمك بعاطفة حلوة وجاذبية مميزة وارتباط عند البعض.. المرتبط يوم منيح للقاء واتصال وكلام حلو وجاذبيتك حاضرة وفيك تعمل لبدك ياه على هذا صعيد بس حاول تنتبه المسا من سوء تفاهم او تكون متلبك بتصرفاتك مع الشريك او قصة عم تدخل فيها الاهل ..
صحياً:حاول تحافظ على صحتك وتخفف عن حالك ضغوط ولا تعصب وخود وقت لترتاح...
غنيتك اليوم:نامي ع صدري...ناصيف زيتون
توقعات برج الجدي اليوم الخميس 11 يونيو 2020 ماغي فرح
الجدي ♑
مهنياً:بتوصلك حوالات او مال من شغلك وفي قبض بس ضبلي ايدك حتى ماتطر توقع بالدين وبعد ضهر مستعجل لقاءات واجواء عائلية وعزائم وشخص غالي وتنقلات عندك .. بعرف انك عم تستعجل بأمور كتيرة لتخلص شغلك بكير وترتاح ويكون عندك وقت فراغ لتقضي بأمور تانية وكلو رح يكون لصالحك لتبدا امور جديدة استغل الوقت وخلص المهم او بدك تقدم على شي واوراق بيومك .. حتى المال بهاليوم بدو يشغلك وممكن عم يدور بين صرف ودفع على مستلزمات مالية ونفقات وعم تفكر بموارد جديدة .. بدي ياك تمرق نهارك على خير رغم ضغط وتعب الي حواليك في شي جديد ناطرك ومفاجئات واتصال مهم وشي بخص عقارات عند البعض..
عاطفياً:مابعرف حاسك مدايق وافكار سودة براسك
لا تتشائم مابتعرف شو ممكن يتغير بلحظة المهم الامل يبقى موجود ولو كان طرف تاني مهمل وانت مانك راضي عن تصرفاتو بهيك يوم ضعيف الحظ .. روق ومافي شي بيبقى على حالو واوقات كتير حلوة ناطرتك هاليوم وبلاخص على صعيد لقاءات ولاتصالات المسا..
صحياً:بحاجة تريح حالك من تدخين والاركيلة او لا تتواجد بهيك اماكن البعض عندو مشاكل بالمنطقة الصدرية والتهابات او ممكن كريب ..
غنيتك اليوم:غلاكي عندي عن جميع المخاليق .. حسين الجسمي
توقعات برج الدلو اليوم الخميس 11 يونيو 2020 ماغي فرح
الدلو ♒
مهنياً:خلص شغلك بكير ولا تتهاون وبعد ضهر قصص مالية عندك .. يوم منيح بعد قلق وتعب وارهاق يسلط الضوء على امور مالية وقضايا مهمة عندك وممكن قضائية عند البعض.. انت افضل من قبل بس ضب ايدك على مصاريفك وبلاخص عندك تغطية لنفقات ومستحقات.. برغم طموحاتك المالية كبيرة بس ماعم تكمل معك طاقة ايجابية ودعم صديق وحظ برافقك كمان اليوم حتى عم تغير قناعتك وعم تبتعد عن تشبث بالاراء والافكار الماضية وبلش من جديد يوم مالي بين قبض ودفع وحوالات ..
عاطفياً:بدعيك بهاليوم لتفكر منيح وتتخذ قرار مناسب الك ولعلاقتك بلاخص اذا كان الوضع متوتر .. بس الأغلبية عندك يوم حلو عاطفياً بتقدر تعبر افضل وتكسب الجنس الاخر وازالة لشكوك وانسجام متبادل وجو حلو .. جذاب عم تكون بهاليوم ويمكن بلشت تحط نقاط على الحروف بعلاقتك وعم تكون بعيد عن الماضي كل البعد لو كان ماعم ينتسى .
صحياً:مشاكل جلدية او عم يكون في نفر للحب وممكن يكون نتيجة شي عم تحبسو جواتك لا تفكر ..
غنيتك اليوم:ياكل دني...روجيه خوري
توقعات برج الحوت اليوم الخميس 11 يونيو 2020 ماغي فرح
الحوت ♓
مهنياً:بتشغلك علاقات ونتبه تعمل مشاكل مع مدير او مسؤول ولا تتأخر عن مواعيدك وشغلك من ضهر لامور بتبلش افضل .. ضايج ومزعوج وحاسس انو هموم دني كلا فوق راسك وناس عم تزعجك واصدقاء عم تعبك وعم تحاول تخليك ضلل طريقك او تخليك تاخد قرار متسرع او خيار غير مناسب الك لهيك لا ترد على حدا وأشتغل الي براسك .. برغم من العراقيل او تأجيل ومافي تحسن الا انك من ضهر افضل وتحسن تدريجي بصير بس روق بالبداية وأفتح صفحة جديدة والاجواء مميزة من ضهر بلمة حلوة وسهرة وعم تعمل تغييرات بحياتك الشخصية وانفراج بصير ...
عاطفياً:اخبار واوقات حلوة ناطرتك بس هدي وبعد عن المشاكل اليوم واجل كلشي لبعد ضهر بلقاءات واتصالاتك او اذا بدك تحل مشكلة .. لا تهتم لكلام حدا وبلاخص ناس ماعم توقف معك او في نفاق كان اليوم في عتب على شخص مقرب منك ولوم وقلة اهمال وماعم تلاقي مين يوقف حدك بظروف كتير صعبة وهاشي بخليك تعيد نظر بكتير علاقات وعم تفقد ثقة بكتير ناس .. لقاء واتصالات المسا وفترة ايجابية لتطور علاقاتك ومصالحات وارتباط عند البعض هاليومين ..
صحياً:انت بحاجة الي الكثير من المعادن والفيتامينات لتقدر تستمر بصحة جيدة .
غنيتك اليوم:ياطير يامسافر...حاتم العراقي
رد مع اقتباس